საპრეზიდენტო კანდიდატ ნინო ბურჯანაძის საქართველოს მოსახლეობასთან შეხვედრის პირველი ტური დასასრულს უახლოვდება.
ბურჯანაძოს პრესსამსახურის ინფორმაცით, სექტემბრის ბოლომდე დაგეგმილია შეხვედრები ყველა იმ რაიონსა და სოფელში, სადაც ქალბატონი ნინო ჯერ არ ყოფილა პირველი ტურის ფარგლებში,ხოლო შემდეგ პრეზიდენტობის კანდიდატი კიდევ ერთხელ შემოივლის საქართველოს. აღნიშნული შეხვედრები კითხვა-პასუხის რეჟიმში იმართება, იმისათვის რომ პრეზიდენტობის კანდიდატმა მაქსიმალურად ამომწურავი ინფორმაცია მიიღოს რეგიონებში არსებულ რეალურ მდგომარეობაზე, მოისმინოს ის, თუ რა აწუხებს, რა პრობლემები აქვს თითოეულ ჩვენს თანამემამულეს და ამის მიხევდით შესაბამისი კორექტირებები შეიტანოს საკუთარ საპრეზიდენტო პროგრამაში. მიმდინარეობს ამ შეხვედრების შედეგად მიღებული ინფორმაციის დამუშავება, ანალიზი და ინტენსიური მუშაობა პროგრამის საბოლოო ვარიანტზე, რომელიც ერთი კვირის მანძილზე დასრულდება და განთავსდება „დემოკრატიული მოძრაობის" ოფიციალურ ვებ-გვერდზე democrats.ge.
