პარტია „ერთიანი ნაციონალური მოძრაობის" საპრეზიდენტო კანდიდატი აშშ-ში გაემგზავრა. დავით ბაქრაძეს შეხვედრები აქვს დაგეგმილი კონგრესში. ის ასევე შეხვდება არასამთავრობო სტრუქტურების წარმომადგენლებს.
დავით ბაქრაძე ადგილობრივი მედიის წარმომადგენლებსაც შეხვდება.
„ამერიკის მხარდაჭერა ნიშნავს, ჩვენს უსაფრთხოებას, ნიშნავს ჩვენს დაცულობას, ნიშნავს ჩვენს ეკონომიკურ სტაბილურ ვითარებას, ნიშნავს, ჩვენს ტერიტორიული მთლიანობის აღდგენას. ეს არის ყველა ის საკითხი, რომელიც მნიშვნელოვანია ქვეყნისთვის და ყველა ამ საკითხში ჩვენი ამერიკელი პარტნიორების პოზიცია არის გადამწყვეტი. ამიტომ მე ვფიქრობ, რომ მექნება კარგი შეხვედრები, ბევრი შეხვედრა. შევხვდები ყველა იმ მაღალი თანამდებობის პირს, რომელიც ამერიკაში არის საქართველოს მეგობარი და დაინტერესებულია ჩვენი ქვეყნის ბედით", _ აცხადებს „ნაციონალური მოძრაობის" საპრეზიდენტო კანდიდატი დავით ბაქრაძე.
