პრეზიდენტობის კანდიდატებს ცესკოში მხარდამჭერთა ხელმოწერების წარდგენის ვადა დღეს ეწურებათ. პრეზიდენტობის კანდიდატად ოფიციალურად დარეგისტრირებისთვის მათ საარჩევნო ადმინისტრაციას მინიმუმ 27 ათასამდე მხარდამჭერის ხელმოწერა უნდა წარუდგინონ.
ამ დროისათვის ცესკოში ოფიციალურად პრეზიდენტობის ცხრა კანდიდატია დარეგისტრირებული.
„საღამოს 18:00 საათზე უფლებამოსილი სუბიექტების მიერ, რომლებსაც წარმოდგენილი ჰყავთ საპრეზიდენტო კანდიდატები ამოიწურება ხელმოწერების შემოტანის ვადა ცენტრალურ საარჩევნო კომისიაში. ამის შემდეგ, ხელმოწერების შემოწმებისა და შესაბამისი დასკვნის საფუძველზე ცესკოს თავმჯდომარე გადაწყვეტს კანდიდატობის მსურველების რეგისტრაციის საკითხს. ამ დროისათვის დარეგისტრირებული 9 საპრეზიდენტო კანდიდატია", _ აცხადებს
ცესკოს სპიკეტი ეკა არაზაშვილი.
