საქართველოს საგარეო საქმეთა სამინისტრო ევროპარლამენტის რეზოლუციას ეხმაურება. საგარეო უწყება აცხადებს, რომ ვილნიუსის სამიტის წინ ამ დოკუმენტის მიღება ძალზე მნიშვნელოვანია.
რეზოლუციაში ევროპარლამენტი აღმოსავლეთ პარტნიორობის ქვეყნებზე რუსეთის ზეწოლას გმობს. პარლამნეტარები მოუწოდებენ მოსკოვს პატივი სცეს აღმოსავლეთ პარტნიორობის ქვეყნების სუვერენიტეტსა და პოლიტიკური არჩევანის თავისუფლებას, არ განახორციელოს საცაჭრო და სავიზო ზეწოლები და ასევე არ ჩაერიოს გაყინულ კონფლიქტებში.
რეზოლუცია უარყოფს იმ იდეას, რომ ევროკავშირისა და რუსეთის ურთიერთობები აღმოსავლეთ პარტნიორობის ქვეყნებთან ე.წ. ნულოვანი თამაშია.
ევროპარლამენტი მოუწოდებს ევროკომისიასა და საბჭოს, რომ განახორციელონ იმ პარტნიორი ქვეყნების მხარდამჭერი ღონისძიებები, რომლებიც რუსეთისგან ღია და საგანგაში მზარდი წნეხის ქვეშ არიან.
