19 სექტემბერს პრაღაში რუსეთის საგარეო საქმეთა მინისტრის მოადგილის გრიგორი კარასინისა და საქართველოს პრემიერ მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძის შეხვედრა გაიმართება.
ინფორმაციას ამის შესახებ რუსეთის საგარეო საქმეთა სამინისტრო ავრცელებს.
„შეხვედრისას გაგრძელდება 2012 წლის დეკემბერში დაწყებული არაფორმალური დიალოგი ქართულ -რუსული ურთიერთობების გაჯანსაღების გზების შესახებ სამი მიმართულებით, რომელთა საშუალებითაც დიპლომატიური ურთიერთობების არქონის პირობებში შესაძლებელია პროგრესი (ვაჭრობა, ტრანსპორტი, კულტურულ-ჰუმანიტარული სფერო, მეცნიერება და ჯანდაცვა)",_ იუწყება რუსეთის საგარეო უწყება.
მათივე განცხადების მიხედვით, იგეგმება ასევე აზრთა ურთიერთგაცვლა რუსეთ-საქართველოს ურთიერთობების პერსპექტივებზე საქართველოში 27 ოქტომბერს დაგეგმილი საპრეზიდენტო არჩევნების შემდეგ.
