პრეზიდენტი მიხეილ სააკაშვილი თბილისის შემოვლითი რკინიგზის დაკონსერვებას აპროტესტებს. მიხეილ სააკაშვილმა თბილისის მერთან გიგი უგულავასთან ერთად ავჭალში ის ტერიტორია დაათვალიერა სადაც პროექტის განხორციელების შემთხვევაში რკინიგზას უნდა გაევლო.
მიხეილ სააკაშვილის განცხადებით, პროექტის დაკონსერვების იდეა პრემიერ-მინისტრ ბიძინა ივანიშვილს ეკუთვნის.
,,მე არ ვყოფილვარ ასე გაბრაზებული, ეს უკვე ყველა საზღვარ სცდება. მშენებლობის 80%, პრაქტიკულად, უკვე დასრულებულია, ასობით მილიონია დახარჯული. მე მინდა თბილისელებმა გაიგონ რას ართმევენ თბილისს, რას ართმევენ თითოეულ თბილისელს. რკინიგზის მშენებლობა როგორც კი დასრულდებოდა თბილისში ერთხელ და სამუდამოდ დამთავრდებოდა საცობები. მე არ მინახავს, არ ვიცი მსოფლიოში არცერთი ავადმყოფი რეჟიმი რომელიც ასეთ რამეს გააკეთებდა, არც კომუნისტური, არც ფაშისტური, არც განვითარებული, არც განუვითარებელი, ქართველები მართლა უნიკალურები ვართ", _განაცხადა მიხეილ სააკაშვილმა, რომელმაც ბიძინა ივანიშვილს მოუწოდა გონს მოეგოს.
,,მინდა მივმართამ პრემიერ-მინისტრს აზრზზე მოვიდეს, რადგან ეს არის მისი პირადი გადაწყვეტილება. რკინიგზის მშენებლობა ჭორვილას საცალფეხო ბილიკი ხომ არ ჰგონია?, ეს არის თბილის მომავალი და თბილისის ერთადერთი გადარჩენა, საქართველოს ყველაზე დიდი ეკონომიკური პროექტი ", _განაცხადა მიხეილ სააკაშვილმა.