,,ნაციონალური მოძრაობის" განაცხადებით ,,ქართული ოცნების" აქტივისტებმა ასურეთში დავით ბქრაძის მოსახლეობასთან შეხვედრის ჩაშლა სცადეს. აღნიშნულთან დაკავშირებით პარტია განცხადებას ავრცელებს, რომელსაც ,,ჯი-ეიჩ-ენი" უცვლელად გთავაზობთ: ,,ერთიანმა ნაციონალურმა მოძრაობამ" არაერთხელ განაცხადა კოალიცია „ქართული ოცნებისა" და მისი აქტივისტების მხრიდან წინასაარჩევნო პერიოდში საკუთარ წევრებზე ზეწოლის, ფიზიკური ანგარიშსწორებისა და საარჩევნო აგიტაციაში ხელის შეშლის კონკრეტული ფაქტების შესახებ. სამწუხაროდ, ამ განცხადებებს კვლავაც არანაირი რეაგირება არ მოჰყოლია საქართველოს მთავრობისა და საქართველოს იუსტიციის სამინისტრისთან არსებული თავისუფალი და სამართლიანი არჩევნებისათვის უწყებათაშორისი კომისიის მხრიდან. მპგ „ერთიანი ნაციონალური მოძრაობის" პრეზიდენტობის კანდიდატის წინასაარჩევნო შეხვედრების ჩაშლის მცდელობამ „ქართული ოცნების" აქტივისტების მხრიდან უკვე სისტემატური და ორგანიზებული ხასიათი მიიღო, რაშიც ჩართულები არიან ადგილობრივი ხელისუფლების სხვადასხვა თანამდებობის პირები, რომლებიც წარმოადგენენ „ქართულ ოცნებას".
12 სექტემბერს თეთრიწყაროს რაიონის სოფელ ასურეთში „ერთიანი ნაციონალური მოძრაობის" საპრეზიდენტო კანდიდატი დავით ბაქრაძე ადგილობრივ მოსახლეობასთან მორიგ საარჩევნო შეხვედრას მართავდა. შეხვედრაზე იმყოფებოდნენ: სოფელ ასურეთის მცხოვრები, თემურ ბეგიაშვილი და სოფელ ღოუბანის მცხოვრები, ნუგზარ ჩომახაშვილი. თემურ ბეგიაშვილმა პროვოკაციული ქმედებებით და შეძახილებით სცადა საარჩევნო შეხვედრის ჩაშლა („ქართული ოცნების" აქტივისტები). ნუგზარ ჩომახაშვილმა კი, ამოიღო ვიდეო კამერა და დაიწყო შეხვედრის მონაწილეების გადაღება, მხარდამჭერების დაშინების მიზნით. ადგილობრივი მოსახლეობისა და ენმ აქტივისტების ძალისხმევით პროვოკაციის აღკვეთა მოხერხდა. მოგვიანებით, შეხვედრამ თეთრიწყაროს საარჩევნო შტაბში გადაინაცვლა. იგივე პიროვნება ნუგზარ ჩომახაშვილი სხვა „ქართული ოცნების" აქტივისტებთან ერთად გადაადგილდებოდა მიმდებარე ტერიტორიაზე.
ანალოგიურ ფაქტებს ადგილი ჰქონდა: ზუგდიდში, პრაიმერიზის დროს მომხდარი ინციდენტი ( 2013 წლის 10 ივლისი ), ხონის რაიონში (2013 წლის 12 აგვისტო), ახალციხის რაიონში სოფელ საყუნეთში (2013 წლის 23 აგვისტოს), 2013წლის 9 სექტემბერს 18:00 საათზე ქ. თბილისში, ქვემო ფონიჭლის დასახლებაში მდებარე პოლიციის შენობის მიმდებარე ტერიტორიაზე.იმედს ვიტოვებთ, რომ ამჯერად მაინც მოახდენთ ადეკვატურ რეაგირებას ზემოაღნიშნულ ფაქტთან დაკავშირებით", _ნათქვამია გავრცელებულ განაცხადებაში.
