რუსეთთან ურთიერთობის საკითხებში საქართველოს პრემიერ-მინისტრის სპეციალური წარმომადგენლის ზურაბ აბაშიძის და რუსეთის ფედერაციის საგარეო საქმეთა მინისტრის მოადგილე გრიგორი კარასინის მორიგი შეხვედრა მომავალ კვირაში გაიმართება.
როგორც აბაშიძემ დღეს მთავრობის სხდომის დაწყებამდე აღნიშნა, შეხვედრაზე განსახილველ ძირითად თემებს შორის ორ ქვეყანას შორის არსებული სავიზო რეჟიმის გამარტივება და სხვადასხვა სახის სატრანსპორტო მიმოსვლის აღდგენის საკითხები იქნება.
"ჩვენი მორიგი შეხვედრა მომავალი კვირის ბოლოს გაიმართება. ჩვენ გავვიხილავთ იმ საკითხებს, რომლებზეც დიალოგის დაწყებიდან ვმსჯელობთ. პრინციპში ამ საკითხების მოგვარება დასასრულს უახლოვდება. რამდენიმე, ერთი-ორი საკითხი დარჩა, რაც დაკავშირებულია სავიზო რეჟიმთან და ასე ვთქვათ, სატრანსპორტო კავშირების ტექნიკური მხარეც არის მოსაგვარებელი, კერძოდ, რეგულიარული ავიარეისების საკითხი,"- განაცხადა ზურაბ აბაშიძემ.
