საქართველოს პარლამენტის თავმჯდომარე დავით უსუფაშვილი, როგორც შავი ზღვის ეკონომიკური თანამშრომლობის ორგანიზაციის საპარლამენტო ასამბლეის პრეზიდენტი, ამავე ორგანიზაციის გენერალურ მდივანს, კირილ ტრეტიაკს შეხვდა.
შეხვედრაზე განიხილეს საორგანიზაციო საკითხები, რომელიც ამ წარმომადგენლობითი ორგანიზაციის გენერალური ასამბლეის გამართვას უკავშირდება. გენერალური ასამბლეას დეკემბერში თბილისი უმასპინძლებს, როგორც აღნიშნული ორგანიზაციის თავმჯდომარე ქვეყნის დედაქალაქი.
შეხვედრაზე ასევე ხელი მოეწერა ოფიციალურ მოსაწვევებს გენერალურ ასამბლეაზე დასაწრებად, რომლებიც შავი ზღვის ეკონომიკური თანამშრომლობის ორგანიზაციის წევრი ქვეყნების პარლამენტების თავმჯდომარეებს და დელეგაციების წევრებს დაეგზავნებათ.
შეხვედრაში მონაწილეობდა შავი ზღვის ეკონომიკური თანამშრომლობის საპარლამენტო ასამბლეაში საქართველოს პარლამენტის მუდმივმოქმედი საპარლამენტო დელეგაციის თავმჯდომარე, შავი ზღვის ეკონომიკური თანამშრომლობის საპარლამენტო ასამბლეის ვიცე-პრეზიდენტი დავით საგანელიძე.
