საგარეო საქმეთა მინისტრი, მაია ფანჯიკიძე 12-13 სექტემბერს, ოფიციალური ვიზიტი შვეიცარიის კონფედერაციაში, ბერნს ეწვევა. საგარეო საქმეთა სამინისტროს ინფორმაციით, ქ. ბერნში საქართველოს საელჩოს გახსნის შემდეგ, ეს არის მაია ფანჯიკიძის პირველი ვიზიტი შვეიცარიაში.
ვიზიტის ფარგლებში, იგეგმება მინისტრის შეხვედრები შვეიცარიის საგარეო საქმეთა ფედერალურ მინისტრთან დიდიე ბურკჰალტერთან და პარლამენტის ზედა პალატის- კანტონთა საბჭოს თავმჯდომარესთან ფილიპო ლომბარდისთან.
მაია ფანჯიკიძე მოხსენებას წაიკითხავს ქ. ბერნში არსებულ კვლევით-ანალიტიკურ ცენტრში "„SWISSPEACE" და ისაუბრებს საქართველოს საგარეო და საშინაო პოლიტიკის თემებზე.
13 სექტემბერს, ორი ქვეყნის საგარეო საქმეთა მინისტრები, ხელს მოაწერენ შეთანხებას "საქართველოსა და შვეიცარიის კონფედერაციას შორის ვიზების გაცემის პროცედურების გამარტივების შესახებ".
