საქართველოს პრეზიდენტი მიხეილ სააკაშვილი საპრეზიდენტო კანდიდატის კობა დავითაშვილის საკანონმდებლო ინიციატივას გამოეხმაურა. როგორც მიხეილ სააკაშვილმა ჟურნალისტებთან განაცხადა კარგი იქნებოდა თუ დავწერთ კონკრეტული პარტიას, რომელიც ყოველთვის უფროსი იქნება.
"ყველაზე კარგი იქნება, კონკრეტული პარტია დავწეროთ, რომელიც ყოველთვის უნდა იყოს და კონკრეტული პარტიის უფროსი, რომელიც ყოველთვის უნდა იყოს საქართველოს უფროსი. ასეთ რამეს წყვეტს ქართველი ხალხი. საქართველოში დემოკრატიას ვერავინ ვერ შეზღუდავს. ყველა მცდელობა დემოკრატიის შეზღუდვის, ბოლოს ქაოსით დასრულდება", -განაცხადა სააკაშვილმა.
შეგახსენებთ, რომ "ხალხის პარტიის" საპრეზიდენტო კანდიდატ კობა დავითაშვილის მიერ ინიცირებული კანონპროექტის მხარდაჭერის შემთხვევაში, პარტია "ერთიანი ნაციონალური მოძრაობის" წარმომადგენლებს შესაძლოა, სახელმწიფო თანამდებობრივი შეზღუდვები დაუწესდეთ და მათ საჯარო სამსახურებში მაღალი თანამდებობების დაკავება კანონით აეკრძალოთ.
