,,ნაცმოძრაობა" მთავარობას მოუწოდებს იმ ვიდეორგოლების განთავსება, შეაჩეროს რომლებიც მთავრობის მიერ განხორციელებულ, ან განსახორციელებელ პროექტებს ასახავს. აღნიშნულის თაობაზე პარტია განცხადებას ავრცელებს, რომელსაც ,,ჯი-ეიჩ-ენი" უცვლელად გთვაზობთ:,,ერთიანი ნაციონალურ მოძრაობა" ეხმიანება საქართველოს მთავრობის მიერ ,,საზოგადოებრივი მაუწყებლისა" და რამდენიმე კერძო ტელევიზიის ეთერში სოციალური რეკლამის სტატუსით განთავსებულ რამდენიმე ვიდეო რგოლს, რომელიც საარჩევნო აგიტაციად შეიძლება იქნეს აღქმული. სოფლის მეურნეობის სამინისტროს ვიდეორგოლები 2013 წლის რთველის მოსამზადებელ პროცესს ეხება და მთავრობის მიერ გატარებული ღონისძიებების პოპულარიზაციას ისახავს მიზნად. შესაბამისად, წინასაარჩევნო პერიოდში მსგავსი ვიდეო რგოლების გაშვება ცდება სოციალური რეკლამით გათვალისწინებულ მოსახლეობის ინფორმირების ზღავრს და სამინისტროს და მთლიანად მთავრობის საიმიჯო რეკლამად უნდა აღიქმეს.
ასევე შეგახსნებთ, რომ 2013 წლის შუალედური და 2012 წლის 1-ლი ოქტომბრის საპარლამენტო არჩევნების წინ,ანალოგიურ ვითარებასთან დაკავშირებით კომისიას სადამკვირვებლო ორგანიზაცია საერთაშორისო გამჭვირვალობამ მიმართა დასაზოგადოებრივი მაუწყებლის ეთერში სოციალური რეკლამის სტატუსით გასული საქართველოს მთავრობის ზოგიერთივიდეორგოლის კანონმდებლობასთან შესაბამისობის საკითხის შესწავლა ითხოვა.აღნიშნულთან დაკავშირებით, 2013 წლის 20 აპრილს უწყებათაშორისი კომისიის თავჯდომარემ, ოლო 2012 წლის 9 აგვისტოსუწყებათაშორისმა კომისიამ გამოსცა რეკომენდაცია, რომელშიც აღნიშნულია, რომ სახელმწიფო ინსტიტუტების მიერ გაწეულიმომსახურების საარჩევნო აგიტაციისაგან გამიჯვნის თვალსაზრისით, საარჩევნო კანონმდებლობა მნიშვნელოვან წინაპირობებსქმნის და რეკომენდაციით მიმართა საქართველოს მთავრობასა და საზოგადოებრივ მაუწყებელს, წინასაარჩევნო პერიოდშისოციალური რეკლამის სტატუსით იმ ვიდერგოლების განთავსება შეეჩერებინათ, რომლებიც მთავრობის მიერ განხორციელებულპროექტებს ასახავდა და შესაძლოა, საარჩევნო რეკლამად ყოფილიყო აღქმული.
პარტიაში მიაჩნიათ, რომ სწორედ ანალოგიურ ვითარებასთან გვაქვს საქმე სოფლის მეურნეობის სამინისტროს მიერ საპრეზიდენტოარჩევნების წინ ეთერში განთავსებული ვიდეორგოლების შემთხვევაშიც.
მოვუწოდებთ საქართველოს მთავრობას, წინასაარჩევნო პერიოდში შეაჩეროს მედიაში სოციალური რეკლამის სტატუსით, იმ ვიდეორგოლების განთავსება, რომლებიც მთავრობის მიერ განხორციელებულ ან განსახორციელებელ პროექტებს ასახავს და საარჩევნო რეკლამად აღქმის შესაძლებლობას იძლევა. წინააღმდეგ შემთხვევაში, ეს საარჩევნო პერიოდში ადმინისტრაციული რესურის გამოყენად შეიძლება ჩაითვალოს, რაც არღვევს საქართველოს კანონმდებლობას და არჩევენების სამართლიანობისა და შანსების თანაბრობის პრინციპებს ეწინააღმდეგება", _ნათქვამია ,,ნაციონალური მოძრაობის" განაცხადებაში.