საქართველოს პრეზიდენტი მიხეილ სააკაშვილი ავლაბრის საპრეზიდენტო რეზიდენციაში ქვეყნის ერთიანობისთვის ომში დაღუპული ჯარისკაცების ოჯახის წევრებს შეხვდა და საბრძოლო მოქმედებების შედეგად გარდაცვლილი სამხედრო მოსამსახურეების დამსახურებასა და ღვაწლზე ისაუბრა.
პრეზიდენტის თქმით, "მისთვის დიდი პატივი იქნებოდა 2008 წელს ცხინვალის რეგიონში რუსეთ-საქართველოს ომის დროს გარდაცვლილ ქართველ ჯარისკაცებთან ერთად შესწირვოდა ქვეყნის ერთიანობისთვის ბრძოლას, თუმცა რადგან გადარჩა, ბრძოლა საბოლოო დასასრულამდეა მისაყვანი".
"ჩემთვის დიდი პატივი იქნებოდა გარდაცვლილი სამხედრო მოსამსახურეებთან ერთად თავის გაწირვა მაშინ ცხივნალში, მაგრამ რადგან გადავრჩი, რადგან მე ჯერ კიდევ ცოცხალი ვარ და ჩვენ ყველანი ცოცხლები ვართ, ჩვენ უნდა გავაგრძელოთ მათი ბრძოლა და მივიყვანოთ საბოლოო დასასრულამდე. მტერი აუცილებლად ჩამოიშლება, ჩვენი მოღალატეები, რომლებიც მათ გმირობას ეჭვქვე შ აყენებენ, აუცილებლად უკან დაიხევენ. როდესაც ლილი ანწუხელიძის ოჯახში ვიყავი, ვხვდები, რომ შემთხვევით არაფერი არ ხდება, შემთხვევით გმირები არ არსებობენ. გმირებად ბავშვობიდან იზრდებიან და გმირებს დედები ზრდიან, გმირებს ზრდიან მამები, გმირებს ზრდიან ოჯახის წევრები. ზოგი იზრდება გმირად და ზოგი იზრდება იმად, ვისთვისაც სამშობლო არაფერს ნიშნავს,"- განაცხადა მიხეილ სააკაშვილმა.
