საპარლამენტო უმრავლესობა მთავრობას იპოთეკით დაზარალებულებთან დაკავშირებით საკითხის დროულად მოგვარებას, სთხოვს. ბიუროს დღევანდელ სხდომაზე უმრავლოსების ერთ-ერთმა წარმომადგენელმა ელისო ჩაფიძემ მთავრობისგან ამ საკითხთან დაკავშირებით დროულ რეაგირება მოითხოვა.
,,მესმის ბიურო არ არის ის ადგილი, სადაც ამ განცხადებას უნდა ვაკეთებდე, თუმცა ამ ტრიბუნიდან კიდევ ერთხელ მივმართავ მთავრობის წარმომადგენლებს იპოთეკით დაზარალებულებთან დაკავშირებით გადაწყვეტილება საბოლოოდ მიიღონ და აუცილებლად გაითვალისწინონ მორატორიუმის მნიშვნელობა, რათა დროებით შეჩერდეს ამ ადამიანების გამოსახლებითი პროცესი. ყოველდღიურად მესმის ცუდი ამბები ამ ადამიანების შესახებ, ზოგიერთ მათგანს სუიციდის მცდელობაც ქონდა, ამიტომ საკითხი დროულ გადაჭრას საჭიროებს",-აცხადებს ელისო ჩაფიძე.
უმრავლესობის ლიდერები ამ საკითხზე მსჯელობას იუსტიციის მინისტრთანაც აპირებენ. შეხვედრა ხვალ თბილისში გაიმართება.
შეგახსენებთ რომ იპოთეკით დაზარალებულები პარლამენტის შენობის წინ უკვე მეშვიდე დღეა შიმშილობენ. ისინი გამოსახლების პროცესის შეცერებას ითხოვენ.