საპარლამენტო უმრავლესობის წევრის ელისო ჩაფიძის თქმით, მთავრობაში ბევრი ისეთი მინისტრია, რომელიც პრემიერ-მინისტრის თანამდებობას თავს გაართმევს. ჩაფიძის თქმით, მიუხედავად იმისა ჯერ ამ თემებზე კოალიცის წევრებს კონსულტაციები არ გაუმართავთ, ის არ გამორიცხავს რომ ივანიშვილმა მის თანამდებობაზე ეკონომიკის მინისტრი გიორგი კვირიკაშვილი ან შინაგან საქმეთა მნისტრი ირაკლი ღარიბაშვილი აირჩიოს.
„საბედნიეროდ მთავრობაში გვყავს ბევრი ისეთი მინისტრი, რომელიც პრემიერ-მინისტრობას თავს მშვენივრად გაართმევს. გიორგი კვირიკაშვილი, ირაკლი ღარიბაშვილი და სხვა ბევრი მინისტრი არაჩვეულებრივი პრემიერ-მინისტრი იქნებოდა. თუმცა ეს თემა წელს აქტუალური მაინც არ იქნება, რადგან მე როგორც ვფიქრობ ბატონი ბიძინა მის თანამდებობას მომავლ წელს დატოვებს"- განაცხადა ჩაფიძემ.
მასალის გამოყენების პირობები