ქუთაისში, საკანონმდებლო ორგანოსთან აქცია მიმდინარეობს. ,,პატიმართა და მათი ოჯახების დახმარების ფონდი" იმ პირთა ამნისტიას ითხოვს, რომელთაც სსკ 262-ე მუხლით პირადი მოხმარების მიზნით საზღვრის ნარკოტიკების გადმოკვეთის ბრალდებით არიან დაკავებული. როგორც აქციის მონაწილეებმა ,,ჯი-ეიჩ-ენს" განუცხადეს ამნისტია მხოლოდ სსკ 260-მუხლით გასამართლებულ იმ ადამიანებს შეეხოთ ვისაც პირადი მოხმარებისთვის გამიზნული ნარკოტიკი აღმოუჩინეს.
მათი თქმით, ისინი განსხვავებას ვერ ხედავენ პირადი მოხმარების მიზნით პირი ნარკოტიკს ქვეყნის შიგნით შეიძენს, თუ ქვეყნის გარეთ. ამიტომ მიაჩნიათ, რომ საპყრობილეებიდან 262-ე მუხლით გასამართლებული პატიმრები უნდა გათავისუფლდნენ.
აქციის მონაწილეების განმარტებით, ციხეებში სსკ 262-ე მუხლით გასამართლებული ათასობით პატიმარი ზის, რომლებიც უახლოეს დღეებში შიმშილობას დაიწყებენ. აქციის მონაწილეები იმასაც აცხადებენ, რომ ქუთაისი #2 საპყრობილეში ასობით პატიმარი შიმშილობას ხვალიდან დაიწყებს.
