ალასანიას თქმით, საქართველოს პრემიერ-მინისტრ ბიძინა ივანიშვილის მიერ პოლიტკიდან წასვლის თაობაზე მიღეული გადაწყვეტილება სახელმწიფოებრივად სწორი და გამართელებულია და მისი სამოქალაქო სექტორში გადანაცვლება არასამთავრობო სექტორში კონკურენციის გაზრდას შეუწყობს ხელს.

"პრემიერის ეს განცხადება ჩემთვის და მთავრობის წევრებისთვის მოულოდნელი არ ყოფილა. ბიძინა ივანიშვილი ჯერ კიდევ არჩევნებამდე აცხადებდა, რომ ის არ აპირებდა პოლიტიკაში დიდი ხნით დარჩენას. მე ვთვლი, რომ ეს გადაწყვეტილება თვისობრივად ახალ რეალობას შექმნის ჩვენს ქვეყანაში, ჩვენი ქვეყნის პოლიტიკაში, იქნება ბევრად უფრო კონკურენტუნარიანი გარემო შემდგომი ადგილობრივი და შემდეგი არჩევნებისთვის და მგონია, რომ ამით ბიძინა ივანიშვილი მართლაც ახალი, საღი პოლიტიკური კულტურის დამკვიდრებას შეუწყობს ხელს. გარდა ამისა, მე ძალიან მომწონს, რომ ის აპირებს საზოგადოებრივი მოღვაწეობა გააგრძელოს და მე დარწმუნებული ვარ, რომ ასევე არასამთავრობო საზოგადოებრივ სარბიელზეც ძალიან მაღალი კონკურენტული გარემო შეიქმნება. მე ვთვლი, რომ ეს გადაწყვეტლება არის სახელმწიფოებრივი და ემსახურება საქართველოს გრძელვადიან ინტერესებს. ჩემი აზრით, ძალიან ნაადრევია რაიმე კონკრეტულ პირებზე საუბარი, მათ შორის მომავალი მინისტრთა კაბინეტის ფორმირებაზე. მე რაც შემეხება, მე ძალიან დიდ პატივად მიმაჩნია, რომ დღეს თავდაცვის უწყების ხელმძღვანელი ვარ, ვემსახურები ჯარს, ვემსახურები იმ ადამიანებს, ვინც ჩვენს ქვეყანას იცავენ და დარწმუნებული ვარ, რომ ამაზე ღირსეულ საქმეს უახლოეს პერიოდში ვერ ვიპოვი,"- განაცხადა ირაკლი ალასანიამ.