საქართველოს უმაღლესი საკანონმდებლო ორგანოს თავმჯდომარის დავით უსუფაშვილის განცხადებით, დეპუტატებს ძალიან მძიმე და შრომატევადი საშემოდგომო სესია ელოდებათ.
პარლამენტის თავმჯდომარის თქმით, საკანონმდელო ორგანოს წევრებმა 150-ზე მეტ კანონპროექტზე უნდა იმსჯელონ და საპარლამენტო საქმიანობის თვალსაზრისით, საკმაოდ დაძაბული პერიოდი იქნება.
"ძალიან მძიმე და დაძაბული შემოდგომა გველის. განსახილველი გვაქვს საკონსტიტუციო ცვლილებები, განსახილველი გვაქვს და გადაწყვეტილება მისაღები პრეზიდენტის მიერ ვეტოდადებულ კანონპროექტებზე, დასასრულებელია მუშაობა რამდენიმე მნიშვნელოვან კანონპროექტზე, მათ შორის "პოლიციის შესახებ" სრულიად ახალ კანონზე და ასევე ბოლო დღეებში 60-მდე ახალი საკანონმდებლო ინიციატივაა დარეგისტრირებული და კიდევ 100-ზე მეტია მოსალოდნელი,"- განაცხადა დაით უსუფაშვილმა.
ცნობისთვის, საქართველოს უმაღლესი საკანონმდებლო ორგანო საშემოდგომო სესიაზე მუშაობას ხვალიდან განაახლებს.