"ჩვენთვის ევროკავშირიც და ნატო-ც უპირველესად ფასეულობების ინსტიტუტებია. შესაბამისად, ევროპულ და ევროატლანტიკურ კურსს განვიხილავთ როგორც ღირებულებით ორიენტირს, რომლისკენაც ორგანულად მიილტვის ქართული საზოგადოება,"- ამის შესახებ საქართველოს საგარეო საქმეთა მინისტრმა მაია ფანჯიკიძემ სასტუმრო "რედისონში" ამბასადორიალის გახსნაზე სიტყვით გამოსვლისას ისაუბრა.
მისი თქმით, "ბოლო პერიოდში გაწეული უშაობის შედეგად, საქართველოს ევროკავშირთან ურთიერთობებში სერიოზული წინსვლა აქვს სხვადასხვა მიმართულებებით".
"აქედან გამომდინარე, 2012 წელს ხელისუფლების შეცვლის მიუხედავად უცვლელი დარჩა საქართველოს საგარეო პოლიტიკური პრიორიტეტები და მიზნები. ევროკავშირთან ურთიერთობებში სერიოზული წინსვლა გვაქვს სხვადასხვა მიმართულებით, მათ შორის პირველ რიგში უნდა აღინიშნოს მოლაპარაკებების დასრულება ასოცირების შესახებ შეთანხმებაზე ღრმა და ყოვლიმომცველი სავაჭრო სფეროს ჩათვლით. ნაყოფიერად ვმუშაობთ სავიზო რეჟიმის ლიბერალიზაციის სამოქმედო გეგმის საკანონმდებლო ბაზის განხორციელებაზე,"- განაცხადა მაია ფანჯიკიძემ.
