,,ჩვენი ქვეყნის ხელსაყრელი გეოპოლიტიკური მდებარეობა მაქსიმალურად უნდა გამოვიყენოთ ტრანსნაციონალური პროექტების განსახორციელებლად", -განაცხადა საქართველოს პრემიერ-მინისტრმა ბიძინა ივანიშვილმა ,,ამბასადორეალზე" სიტყვით გამოსვლისას.
მისივე განმარტებით საქართველომ უნდა განავითაროს ეკონომიკური თანამშრომლობა შავი და კასპიის ზღვების აუზების, ახლო აღმოსავლეთისა და აზიის სახელმწიფოებთან.
,,საჭიროა გავააქტიუროთ ეკონომიკური დიპლომატია ამ ქვეყნებთან. ამიტომ თხოვნა მექნება ჩვენს ელჩებთან, ამქვეყნებში უფრო აქტიურად იმუშაონ ინვესტიციების მოზიდვის კუთხით. განსაკუთრებით მნიშვნელოვანია იაპონიის, ჩინეთის, ბრაზილიისა და ინდოეთიის მზარდ და დიდ ეკონომიკებთან თანამშრომლობა და პირდაპირი ინვესტიციების მოძიება. უნდა ვიმუშაოთ აგრეთვე კონტაქტების გაფართოებაზე აზია-ოკეანეთის, აფრიკისა და ლათინური ამერიკის სხვა ქვეყნებთანაც", _განაცხადა ივანიშვილმა.