,,ხელისუფლება და მისი მხარდამჭერები ცდილობენ, ზეწოლა მოახდინონ სასამართლოზე", _განაცხადა ჟურნალისტებთან გუშინ გამართულ პრესკონფერენციაზე პრეზიდენტის ადმინისტრაციის უფროსმა ანდრო ბარნოვა უზენაეს სასამართლოსთან გამართული აქციის კომენტირებისას.
ანდრო ბარნოივი უზენაეს სასამართლოსთან გამართულ აქციას სასამართლოზე ზეწოლად აფასებს. როგორც ჟურნალისტებთან პრეზიდენტის ადმინისტრაციის უფროსმა ანდრო ბარნოვმა განაცხადა მოწოდებები იმის თაობაზე, რომ სასამართლო სისტემა 2005 წლამდე არსებულ ვითარებას უნდა დაუბრუნდეს მიუღებელია.
„როგორც იცით, დღეს ხელისუფლებასთან პირდაპირ თუ ირიბად დაკავშირებული პირები მართავდნენ აქციას უზენაეს სასამართლოსთან, სადაც სხვა სრულიად მიუღებელ ლოზუნგებთან გაჟღერდა მოწოდება,რომელმაც მთლიანად ფარდა ახადა ამ აქციის ნამდვილ მიზანს კერძოდ, საუბარია მოწოდებაზე, რომ საერთო სასამართლოებში თურმე უნდა აღდგეს 2005 წლამდე არსებული ვითარება და თანამდებობებზე დაბრუნდეს ყველა მოსამართლე, რომელიც მაშინ იქნა განთავისუფლებული. გვინდა, ძალიან მკაფიოდ განვაცხადოთ, რომ ეს არის ღია ზეწოლა სასამართლოზე მისი დამორჩილების მიზნით, ეს არის 90-იან წლებში დაბრუნების ღია მცდელობა, ეს არის სასამართლოში არაპროფესიონალიზმის დაბრუნების მცდელობა, ეს არის სასამართლოებში კორუფციის დაბრუნების მცდელობა", _განაცხადა ბარნოვმა. მისივე განმარტებით, ხელისუფლება ცდილობს, წყალს გაატანოს ყველა ის პოზიტიური შედეგი, რაც წინა ხელისუფლების პირობებში საქართველომ მიიღო.
,,ჩვენ არაერთხელ გვისაუბრია იმის შესახებ, რომ 2012 წლის ოქტომბერში თავისუფალი არჩევნების ჩატარებამ ახალი ენერგია და დამატებითი ბიძგი მისცა ბევრ რეფორმას, რომელიც ნაციონალური მოძრაობის ხელისუფლების დროს დაიწყო.სასამართლოს დამოუკიდებლობა და პროფესიონალიზმი სწორედ ასეთი რეფორმების რიცხვს მიეკუთვნება და ჩვენ არ დავუშვებთ, რომ ამ რეფორმის წარმატება დღევანდელმა, ან სხვა რომელიმე ხელისუფლებამ შებღალოს.დღეს ხელისუფლება და მისი მხარდამჭერები ცდილობენ, ზეწოლა მოახდინონ სასამართლოზე და გავლენა იქონიონ მათთვის პოლიტიკურად მნიშვნელოვან საქმეებზე", _განაცხადა ბარნოვმა.
შეგახსენებთ, რომ გუშინ უზენაეს სასამართლოსთან კოტე კუბლაშვილის გათავისუფლების მოთხოვნით აქცია გაიმარეთა. როგორიც აქციის მონაწილეები აცხადებდნენ აუცილებელია უზენაესი სასამართლოს თავმჯდომარე კოტე კუბლაშვილი ჩადენილი დანაშაულებისთვის დაისაჯოს.