"ნაციონალური მოძრაობის" პრეზიდენტობის კანდიდატმა დავით ბაქრაძემ გურჯაანში საარჩევნო შტაბი გახსნა და მოსახლეობას შეხვდა.
"მოსახლეობა იმედგაცრუებულია და როგორც შეხვედრებზე მეუბნებიან, მთავრობამ დანაპირები არ შეასრულა. როგორც დანარჩენ საქართველოში, გურჯაანის რაიონშიც უამრავი ადამიანია უკმაყოფილი სოციალური შემწეობის გაუქმებით. ამასთან, ამ რაიონის მოსახლეობა ჩივის, რომ მიმდინარე წელს სეტყვამ ვენახები გაანადგურა, თუმცა ხელისუფლება სტიქიით დაზარალებული მოსახლეობით არ დაინტერესებულა. ასევე პრობლემებია საოფლო-სამეურნეო ვაუჩერის განაწილების კუთხით და ამიტომ ვამბობთ, რომ ხელისუფლებას სჭირდება ძლიერი კონტროლი, რომ მოსახლეობამ არ იგრძნოს თავი მიტოვებულად", - განაცხადა დავით ბაქრაძემ.
"ნაციონალური მოძრაობის" პრეზიდენტობის კანდიდატი, დღესვე გურჯაანის რაიონში რამდენიმე შეხვედრას გამართავს.