პრეზიდენტის თქმით, სანამ იგი ცოცხალია და სანამ გარეთაა, არც ერთი პოსტსაბჭოთა ლიდერი აღარ დაბრუნდება იმ მდგომარეობაში, როდესაც უსიტყვოდ ასრულებს რუსეთის მითითებას".

"პუტინმა არაერთხელ თქვა, რომ სააკაშვილი მკვდარია. მედვედევმა და პუტინმა თქვეს, რომ გაუხარდებათ თუ სააკაშვილს ვინმე დააპატიმრებს. იმიტომ, რომ სანამ მე დავდივარ თავისუფალი და ცოცხალი, პუტინი ვეღარასდროს აღიდგენს ძველ, ე.წ "პალაჟენიას" პოსტსაბჭოთა სივრცეში. ჩამოიშალა ეს გავლენა 2008 წლის შემდეგ. გაბედა დამოუკიდებელ სახელმწიფოთა დანმეგობრობის სახელმწიფოს ერთ-ერთმა ლიდერმა და მას არ დაუხარა თავი. ეს შეიცვალა ბოლო წლებში და ეს გავაკეთეთ ქართველმა ხალხმა, ჩვენმა თავისუფლების მოყვარე პოლიტიკამ. საუბრობენ ჩემი დაპატიმრების შესახებ. ეჭვს არ იწვევს, რომ ივანიშვილმა ორი მილიარდი დოლარი აიღო რუსეთისგან არჩევნების დროს. ამას არც თვითონ უარყოფს და რომც უარყოს, რა აზრი აქვს, რუსები ადასტურებენ ყოველ ნაბიჯზე. ვინ ვის დაიჭერს, მე ივანიშვილის ზებრა ან რომელიმე სხვა შინაური ცხოველი კი არ ვარ, რომ დამიჭიროს და გალიაში ჩამსვას. ამიტომ, ერთია მათი სურვილები, ერთმანეთთან შეთანხმება და მეორეა, რა იქნება რეალობა. რეალობა იქნება ის, რომ ქართველი ხალხი ყველას თავის ადგილს მიუჩენს. რაც შემეხება მე, მე განმსჯის ისტორია და არა რომელიმე ზოოპარკის დირექტორი", - განაცხადა მიხეილ სააკაშვილმა.

შეგახსენებთ, რომ საქართველოს პრეზიდენტმა მიხეილ სააკაშვილმა გამოცემა Bloomberg-სთვის მიცემულ ინტერვიუში მისი შესაძლო დაპატიმრების საკითხზე ისაუბრა.

პრეზიდენტის თქმით, "საქართველოს პრემიერ-მინისტრ ბიძინა ივანიშვილს ვლადიმერ პუტინთან შეთანხმებული გეგმით, მისი დაკავება შეთხზული კორუფციის ბრალდებით აქვს დაგემილი".

"რუსეთის ჩანაფიქრი ძალიან ნათელია. პუტნის ნამდვილი სურვილი ან ჩემი ფიზიკური სიკვდილია, რაც მას ძალიან ბევრჯერ უთქვამს, ან ციხეში ჩასმა. ამის შესრულებაში კი, 2012 წლის ოქტომბერში ჩვენს ქვეყანაში ჩატარებული საპარლამენტო არჩევნების შედეგად მოსული ხელისუფლება დაეხმარება. ივანიშვილს ჩემი ციხეში ჩასმა შეთხზული კორუფციის ბრალდბებით აქვს გადაწყვეტილი. რუსული გარიგება აშკარა იყო. რუსებს უნდათ, რომ მომკლან ან დამაპატიმრონ. აი, რა თქვა პუტინმა,"- განაცხადა მიხეილ საკაშვილმა.