"რუსეთის პრეზიდენტს ჩემი სიკვდილი ან დაპატიმრება უნდა,"- ამის შესახებ საქართველოს პრეზიდენტმა მიხეილ სააკაშვილმა გამოცემა Bloomberg-სთვის მიცემულ ინტერვიუში ისაუბრა.
პრეზიდენტის თქმით, "საქართველოს პრემიერ-მინისტრ ბიძინა ივანიშვილს ვლადიმერ პუტინთან შეთანხმებული გეგმით, მისი დაკავება შეთხზული კორუფციის ბრალდებით აქვს დაგემილი".
"რუსეთის ჩანაფიქრი ძალიან ნათელია. პუტნის ნამდვილი სურვილი ან ჩემი ფიზიკური სიკვდილია, რაც მას ძალიან ბევრჯერ უთქვამს, ან ციხეში ჩასმა. ამის შესრულებაში კი, 2012 წლის ოქტომბერში ჩვენს ქვეყანაში ჩატარებული საპარლამენტო არჩევნების შედეგად მოსული ხელისუფლება დაეხმარება. ივანიშვილს ჩემი ციხეში ჩასმა შეთხზული კორუფციის ბრალდბებით აქვს გადაწყვეტილი. რუსული გარიგება აშკარა იყო. რუსებს უნდათ, რომ მომკლან ან დამაპატიმრონ. აი, რა თქვა პუტინმა,"- განაცხადა მიხეილ საკაშვილმა Bloomberg-სთვის მიცემულ ინტერვიუში.
ცნობისთვის, საქართველოს პრემიერ-მინისტრმა ბიძინა ივანიშვილმა ამავე გამოცემისთვის მიცემულ ინტერვიუში პრეზიდენტ მიხეილ სააკაშვილის საპრეზიდენტო ვადის ამოწურვის შემდეგ მის შესაძლო დაპატიმრებაზე ისაუბრა.