საქართველოს საგარეო საქმეთა სამინისტრომ რუსეთის ფედერაციის პრეზიდენტს ვლადიმერ პუტინს ოკუპირებული აფხაზეთის ტერიტორიაზე ვიზიტის გამო, საპროტესტო ნოტა გაუგზავნა.
საქართველოს საგარეო საქმეთა მინისტრის მაია ფანჯიკიძის განცხადებით, "რუსეთის პრეზიდენტის ბიჭვინთაში ვიზიტი, ეს კიდევ ერთი პროვოკაციაა და საქართველოს მთავრობის მიერ ეს ფაქტი დაგმობილია, როგორც საქართვლოს ტერიტორიული მთლიანობისა და სუვერენიტეტის კიდევ ერთი ხელყოფა".
ამასთან, მინისტრის თქმით, ვლადიმერ პუტინს საქართველოს საგარეო უწყების შესაბამისი საპროტესტო ნოტა შვეიცარიის საელჩოს გავლით გაეგზავნა.
შეგახსენებთ, რომ რუსეთის ფედერაციის პრეზიდენტი ვლადიმერ პუტინი ოკუპირებული აფხაზეთის დე ფაქტო პრეზიდენტს ალექსანდრე ანქვაბს ბიჭვინთაში შეხვდა. ბოლო ორი კვირის განმავლობაში ეს პუტინის და ანქვაბის უკვე მეორე შეხვედრაა.
კრემლის პრესსამსახურის ინფორმაციით, "მხარეებმა ორმხრივი თანამშრომლობის ფართო სპექტრი განიხილეს".
