მურმან დუმბაძე ჩამოალაბორანტეს და არ არის გამორიცხული „ქართული ოცნებიდან" ოპოზიციაში წავიდეს. ამის შესახებ განცხადებას ასლან აბაშიძის ყოფილი პრესმდივანი თამაზ ბაკურიძე აკეთებს. მისი თქმით ბათუმში ხალხი უკვე იმაზე საუბრობს, რომ დუმბაძის გადარჩევის მოთხოვნით ხელმოწერების შეგროვება დაიწყოს.
„მურმანს ცუდად აქვს საქმე. მისი ყველა გამგებელი მოხსნეს აჭარაში. აქ წავიდა სერიოზული ბრძოლა. მისი ფავორიტები იყვნენშუახევის გამგებელი, ხელვაჩაურის გამგებელი და ასევე ქობულეთის გამგებელი. ამას წინათ მურმანი კაბინეტში შეუვარდა არჩილ ხაბაძეს -შენ მართლა პირველი პირი ხომ არ გგონია თავიო?! რაღაც ეტაპზე მან ფეოდალობა შეძლო მაგრამ ახლა ზემოდან არის დავალება ფრთები შეუკვეცეთო. არ გამოვრიცხავ უახლოეს ხანში მურმან დუმბაძე „ქართული ოცნებიდან" წავიდეს ოპოზიციაში ეს მისი სტილია... როცა მას შეზღუდავენ და მხოლოდ სახელად ექნება ვიცე-სპიკერი აუცილებლად წავა ოპოზიციაში",-აცხადებს თამაზ ბაკურიძე „ალისთან".
მასალის გამოყენების პირობები