"მე ვფიქრობ, რომ ახალ წლამდე თანამდებობიდან წავალ და საზოგადოების აქტიური წევრი გავხდები. ჩემი აზრით, პრობლემა მთავრობაში არ არის, პრობლემა საზოგადოებშია, რომელიც ძალიან გამოუცდელია და პოლიტიკური კულტურა აკლია. რადგან ხალხი თავის ქვეყანას არ განკარგავდა, მე შევეცდები, პოლიტიკური კულტურა ავამაღლო", - ამის შესახებ საქართველოს პრემიერ-მინისტრმა ბიძინა ივანიშვილმა გამოცემა "Bloomberg"-ისთვის მიცემულ ექსკლუზიურ ინტერვიუში ისაუბრა.
ამასთან, ივანიშვილის აზრით, "საქართველო ახალი ხელისუფლების ძალისხმევით, 3 - 4 წელიწადში ჩრდოლოატლანტიკურ ალინსსა და ევროკავშირში გაწევრიანებასაც მოახერხებს".
"ძალიან რთულია ზუსტი თარიღის დასახელება, მაგრამ თუ სიტუაციას გავაანალიზებთ და ყველაფერი ისე კარგად წავა, როგორც წარმომიდგენია, 3-4 წელიწადში მოვახერხებთ ნატო-სა და ევროკავშირში გაწევრიანებას", - განაცხადა ბიძინა ივანიშვილმა.
რაც შეეხება საქართველოსთვის რუსეთის ფედერაციის ბაზრის მნიშვნელობის საკითხს, პრემიერ-მინისტრის შეფასებით, "ნებისმიერი მთავრობისთვისუპატიებელი იქნებოდა არ გამოიყენოს ასეთი ბაზარი და არ დაამყაროს ნორმალური ურთიერთობები".
"რუსეთი ერთ-ერთი დიდი მეზობელია. ეს დიდი ქვეყანაა, რომელსაც დიდი ბაზარი აქვს და ჩემი აზრით ძალიან საინტერესო. ეს მნიშვნელოვანია საქართველოს ეკონომიკისთვის და პოლიტიკური სტაბილურობისთვის", - აღნიშნა ივანიშვილმა.