საქართველოს პრემიერ-მინისტრი ბიძინა ივანიშვილი პოლიტიკიდან წასვლას 2013 წლის დეკემბრის ბოლოსთვის აპირებს. ამის შესახებ მან ამერიკული გამოცემა Bloomberg-ისთვის მიცემულ ექსკლუზიურ ინტერვიუში ისაუბრა.
"ვფიქრობ, ახალ წლამდე პოლიტიკიდან წავალ და აქტიურ საზოგადოებრივ საქმიანობას გავაგრძელებ. ჩემი აზრით, ჩვენი პრობლემა არა მთავრობაში, არამედ საზოგადოებაშია, რომელიც ძალიან გამოუცდელია და მცირე პოლიტიკური კულტურის მატარებელია. ყველაფერს ვიღონებ პოლიტიკური კულტურის ასამაღლებლად", - განაცხადა ბიძინა ივანიშვილმა.
მისივე თქმით, მომავალში ის საკუთარი ქონებიდან 1 მილიარდი დოლარის კერძო ინვესტირების ფონდისთვის გადაცემას გეგმავს. აღნიშნული ფონდი ინვესტიციებს ტურიზმის, სოფლის მეურნეობის და სხვა სფეროებში ახორციელებს.
