საქართველოს მთავარი პროკურორი არჩილ კბილაშვილი თანამდებობიდან არ გადამდგარა.
როგორც "ჯი-ეიჩ-ენს" მთავარი პროკურატურის საზოგადოებასთან ურთიერთობის სამსახურის უფროსმა ხათუნა პაიჭაძემ განუცხადა, კბილაშვილის გადადგომის თაობაზე დეზინფორმაცია გავრცელდა.
"ნახევარი საათის წინ ვესაუბრე ბატონ არჩილს და მსგავსი არაფერი მომხდარა, ეს არის ტყუილი,"- განაცხადა პაიჭაძემ.
ცნობისთვის, არასამთავრობო ორგანიზაცია "თავისუფალმა ზონამ" მთავარი პროკურორის არჩილ კბილაშვილის თანამდებობიდან გადადგომის შესახებ ინფორმაცია ცოტა ხნის წინ გაავრცელა.
