მასობრივად დაიწყო საეჭვო გარდაცვალებები ციხეებში, იმიტომ რომ დაიწყო აზარტული თამაშები, - ამის შესახებ მიხეილ სააკაშვილმა პრეზიდენტის სასახლეში მედიასთან შეხვედრისას განაცხადა. მისი თქმით, ეს ნიშნავს, რომ ისევ დაბრუნდა მაყურებლების სისტემა.
"როდის იყო ბოლოს ის, რაც დღეს ხდება საპატიმროებში?! კორტავას შემთხვევა, მეგობრებო! დადასტურებულად, ციხის ადმინისტრაციის დავალებით, კანონიერმა მაყურებლებმა და ქურდებმა ცემით მოკლეს პატიმარი! ჩემი მთავრობის დროს პატიმარი რომ ციხის ადმინისტრაციის დავალებით ვინმეს მოეკლა, არ გექნებოდათ ახლა აკლებული ყველაფერი და არ გამომაცხადებდით კაცობრიობის მტრად, ისედაც გამოცხადებული გყავდით?! და ამან სხვათა შორის ჩაიარა. დიდი ამბავი, მოკლეს, დაავალა ციხის დირექტორმა და ის უნდა შევინარჩუნოთ, იმიტომ, რომ ახალაიას საქმეზეა თურმე მთავარი მოწმე. მასობრივად დაიწყო საეჭვო გარდაცვალებები ციხეებში, იმიტომ რომ დაიწყო აზარტული თამაშები. აზარტული თამაშები ნიშნავს, რომ ჩასატანია ე.წ. თავანი, ჩასატანია თავანი, ე.ი. დანაშაული უნდა იმართებოდეს ციხეეებიდან. ეს ნიშნავს, რომ ისევ დაბრუნდა "მაყურებლების" სისტემა. ამიტომ პრობლემები არის ძალიან სერიოზული", - განაცხადა სააკაშვილმა.
მასალის გამოყენების პირობები