"დღეს პრეზიდენტის უფლებამოსილება ძალიან შეზღუდულია. ჩვენ შეგნებურად გადავეცით ახალ მთავრობას, მათ შორის ის უფლებამოსილებები რომელიც კონსტიტუციით ჯერ კიდევ რჩებოდა პრეზიდენტს. ამიტომ ჩემი საქმიანობა დაკავშირებულია ხალხის მოსმენასთან, ხალხთან სიარულთან. მე ვამზადებ იმას, რომ სასწავლო ცენტრი გავაკეთო ღვინის და ვაზის კახეთში. ისევე როგორც ვმუშაობთ ასეთი ცენტრი გაკეთდეს ქართლშიც, ატენის ხეობაში. მეღვინეობის ასოციაციასთან ერთად.
მინდა გითხრათ, რომ ჩვენ ვაფუძნებთ მეღვინეობის ასოციაციებს ყველგან, იმიტომ რომ ღვინო არის ის სფერო, რომელიც მცირე ნაკვეთებიან სოფლის მეურნეობისთვის შესაძლოა იყოს მომგებიანი, განსხვავებით, სხვა სფეროებიდან სოფლის მეურნეობაში, სადაც მართლა ბევრი ფულის ჩადებაა საჭირო. აქ კი მცირე დანახარჯით შეიძლება ჩვენმა ხალხმა, იმ ტურიზმის პირობებში, რომელიც ჩვენ გვაქვს შემოსავალი მოიპოვოს. მე ვფიქრობ ასევე იმაზეც, რომ სხვა სახის სასწავლო ცენტრი გავაკეთო თბილისში პოლიტიკური განათლებით სერთიფიცირებული. მიმაჩნია, რომ პოლიტიკური განათლება ერთ-ერთი სუსტი წერტილია რაც ჩვენ გვაქვს. ვისურვებდი, რომ ბათუმში ტექნლოგიური უნივერსიტეტი არ დაეხურათ, რასაც პიროვნულად მე ცალკე ვერ გავაკეთებ, ეს მთავრობამ უნდა გააკეთოს, უცხოური დახმარების პირობებში. სამწუხაროდ, ის ამერიკული ფული წაიღეს სხვაგან, მაგრამ მე რასაც შევძლებ განათლებაში გავაკეთებ. ამის გარდა ვაგრძელებ პოპულარიზაციას ჩვენი ქვეყნის, ტობავარჩხილის ტბაზე რომ ვიყავი ეს ყველაფერი უცხოური ტელევიზიებით გავიდა და ბევრი დამიკავშირდა თურმე რა ლამაზი ყოფილაო საქართველო. ვაპირებ, რომ ასეთი ერთი ორი რამ კიდევ გავაკეთო. რათა მოხდეს საქართველოს ტურიზმის პოპულარიზაცია, რაც არის შემოსავლები ჩვენი ხალხის.
მე ვნახე, რომ ბათუმში წველაზე მეტი ტურისტია აჭარის ისტორიაში. - ეს არის ძალიან მაგარი გარღვევა ხალხისთვის, ეს არის დამატებითი შემოსავალი, რაზეც ჩვენ ადრე ყველა დაგვცინოდა, რომ ტურიზმი არის ახირება. გუშინ ჩემი შვილკი თბილისის საერთაშორისო აეროპორტიდან გაფრინდა და მინდა გითხრათ, რომ აეროპორტს სასწრაფოდ გაფართოება სჭირდება რადგანაც იქ ხალხის ტევა არ იყო", - განაცხადა სააკაშვილმა.