არასამთავრობო ორგანიზაცია "საქართველოს დემოკრატიული ინიციატივას" ხელმძღვანელის გიორგი ტუღუშის განცხადებით, "სამწუხაროა "მეცხრე არხის" გარშემო განვითარებული მოვლენები".
როგორც მან ტელეკომპანია "მეცხრე არხის" შესაძლო დახურვის ფაქტის კომენტირებისას აღნიშნა, "საქართველოვის ძალიან მნიშვნელოვანია ქვეყანაში რაც შეიძლება მრავალფეროვანი მედიალანდშაფტი იყოს".
"ბოლო პერიოდის განმავლობაში მუდმივად ვიღებდით სიგნალებს, რომელბიც უკავშირდებოდა მეცხრე არხზე განხორციელებულ შემცირებებს., ხელმძღვანელობის ცვლილებებს და ა.შ. რა თქმა უნდა, პლურალისტური გარემო განსაკუთრებით მედიის კუთხით ქვეყნისთვის არის ძალიან მნიშვნელოვანი არა მარო წინასაარჩევნო პერიოდში, არამედ ზოგადად და ძალიან სამწუხაროა, რომ ასეთი რამ ხდება, იქიდან გამოდინარე, რომ ეს მოხდა. საქართველოს ძალიან მრავალფეროვანი მედიალანდშაფტი სჭირდება,"- განაცხადა გიორგი ტუღუშმა.
ცნობისთვის, გავრცელებული ინფორმაციით, საქართველოს პრემიერ-მინისტრის ოჯახის საკუთრებაში არსებული ტელეკომპანია "მეცხრე არხი" და საინფორმაციო სააგენტო "ინფო 9" პირველი სექტემბრიდან იხურება.