ნატო-ს გენერალური მდივნის წარმომადგენელი კავკასიასა და ცენტრალურ აზიაში მიესალმება საპრეზიდენტო არჩევნებში საერთაშორისო დამკვირვებლების მოწვევას.
ამის შესახებ განცხადებას ჯეიმს აპატურაი საქართველოში დაგეგმილი 2013 წლის 27 ოტქომბრის საპრეზიდენტო არჩევნებთან დაკავშირებით გავრცელებულ განცხადებაში საუბრობს.
"მოხარული ვარ საქართველოს მთავრობის გადაწყვეტილებით, საპრეზიდენტო არჩევნებზე დამკვირვებლების ფართო სპექტრი მიიწვიოს. ეს არის ნათელი სიგნალი, რომელიც მიუთითებს მათ გადაწყვეტილებაზე, ჩატარდეს თავისუფალი, სამართლიანი, გამჭვირვალე არჩევნები, ისეთი, როგორსაც ნატო მნიშვნელოვნად მიიჩნევს საქართველოს მოსახლეობისთვის და საქართველოს ევროატლანტიკურ ალიანსში გაწევრიანებისთვის. დარწმუნებული ვარ, ნატო-ს საპარლამენტო ასამბლეა პროფესიონალურ დელეგაციას გააგზავნის", - ნათქვამია ჯეიმს აპატურაის განცხადებაში.
