საქართველოს უმაღლესი საკანონმდებლო ორგანოს თავმჯდომარის დავით უსუფაშვილის განცხადებით, "ცენტრალური საარჩევნო კომისიის თავმჯდომარის ზურაბ ხარატიშვილის მიერ თანამდებობიდან გადადგომის შესახებ მიღებული გადაწყვეტილება ცოტა არ იყოს გაუგებარია".
უსუფაშვილის თქმით, "მიუხედავად ცენტრალურ საარჩევნო კომისიაში განვითარებული მოვლენებისა, 2013 წლის საპრეზიდენტო არჩევნები სამაღტლიანად და გამჭვირვალედ ჩატარდება".
"ცენტრალური საარჩევნო კომისიის თავმჯდომარის გადაწყვეტილება ცოტა არ იყოს გაუგებარია, იმიტომ რომ თუ მას მოსწყინდა ეს სამსახური და რაიმე სხვაზე ფიქრობს, ალბათ, აქამდე უნდა გადაედგა ეს ნაბიჯი. ან არჩევნები ჩაეტარებინა და შემდეგ გადამდგარიყო, იმიტომ რომ შუა საარჩევნო კამპანიის დროს ცენტრალური საარჩევნო კომისიის თავმჯდომარის მხრიდან ეს ნაბიჯი, როდესაც თავადაც ბრძანებს, რომ მას არანაირი პრობლემა ამ თვეების განმავლობაში არ შექმნია, ცოტა არ იყოს გაუგებარია", - განაცხადა დავით უსუფაშვილმა.
შეგახსენებთ, რომ საქართველოს ცენტრალური საარჩევნო კომისიის თავმჯდომარემ ზურაბ ხარატიშვილმა ქვეყნის უმაღლეს საკანონმდებლო ორგანოს მისი თანამდებობიდან გათავისუფლების თაობაზე შესაბამისი განცხადებით მიმართა. ხარატიშვილი მისი გადაწყვეტილების მიზეზებზე 15 აგვისტოს ისაუბრებს.
