როგორც ნადირაშვილმა დღეს "ნაციონალური მოძრაობის" ცენტრალურ ოფისში გამართულ საგანგებო პრესკონფერენციაზე აღნიშნა, "ძალიან მძიმეა როდესაც ქვეყნის მთავრობის მეთაური ასე აგდებულად უდგება ამ საკითხს".

"შესაძლოა, პრემიერ-მინისტრმა ყველასგან განსხვავებით, არ იცის რისი სიმბოლოა წითელი ყაყაჩო, რაც ჩემთვის ძალიან მძიმეა, მაგრამ კიდევ უფრო მძიემა, თუ მან იცის და გადაწყვიტა, რომ ამ თემაზე ექილიკა. ძალიან მძიმეა როდესაც ქვეყნის მთავრობის მეთაური ასე აგდებულად უდგება ამ საკითხს, აგდებულად უდგება საქართველოსთვის თავგანწირული ადამიანების ხსოვნას. ეს თემა შემდეგაც გაგძელდა, როდესაც ამ სამხედრო გემზე პრეზიდენტის ოფიციალური მიმართვა იყო. პრემიერ-მინისტრი ასევე აგრძელებდა ქილიკს. გამოითქვა მოსაზრება, რომ სამხედრო გემი არ არის პოლიტიკური დებატების ადგილი. საქართველოს პრეზიდენტი მხოლოდ და მხოლოდ ქვეყნის ტკივილზე საუბრობდა, გარდაცვლილი გმირების ოჯახებზე საუბრობდა და მე არ ვიცი არც ერთი ადგილი, სადაც არ შეიძლება იყოს ამ თემაზე საუბარი კორექტული,"- განახდა ირმა ნადირაშვილმა.

შეგახსენებთ, რომ საქართველოს პრემიერ-მინისტრი ბიძინა ივანიშვილი ქვეყნის პრეზიდენტის სამკერდე ნიშნის - წითელი ყაყაჩოს დანიშნულებით გუშინ ამერიკულ სამხედრო საზღვაო ხომალდ "ბელკლიზე" გამართულ საზეიმო ღონისძიებაზე დაინტერესდა, რომელსაც საქარტველოში ამეიკის შეერთებული შტატების ელჩი რიჩარდ ნორლანდი და აღნიშნული სამხედრო ხომალდის კაპიტანი მასპინძლობდნენ.

ბიძინა ივანიშვილის კითხვაზე: - რა გიკეთია გულზე, რა არის ეს? რას ნიშნავს? სად იშოვე? 
მიხეილ სააკაშვილმა უპასუხა: - გაშოვნინებ თუ გინდა, მოგიხერხებ რაღაცას. ეს არის ჩვენი დაღუპული ჯარისკაცების სამახსოვრო სიმბოლო.

ცნობისთვის, საქართველოს პრეზიდენტი მიხეილ სააკაშვილი და პრემიერ-მინისტრი ბიძინა ივანიშვილი ამერიკის შეერთებული შტატების საზღვაო ხომალდ "BULKELEY"-ზე გამართულ ოფიციალური საზეიმო ღონისძიებას დაესწრნენ.

ღონისძიებას საქართველოს უმაღლესი საკანონმდებლო ორგანოს თავმჯდომარე დავით უსუფაშვილი, თავდაცვის მინისტრი ირაკლი ალასანია, შინაგან საქმეთა მინისტრი ირაკლი ღარიბაშვილი, ენერგეტიკის მინისტრი და ვიცე-პრემიერი კახი კალაძე, საგარეო საქმეთა მინისტრი მაია ფანჯიკიძე და ხელისუფლების სხვა წარმომადგენლებიც ესწრებოდნენ.