როგორც ორგანიზაციიდან „ჯი-ეიჩ-ენს"-ს აცნობეს, სპეციალური ინტერნეტ გვერდი dreammeter.ge შეიქმნა, სადაც ბიძინა ივანიშვილისა და ქართული ოცნების მიერ წინასაარჩევნოდ გაკეთებული ყველა დაპირებაა ჩამოთვლილი.

"საიტზე განთავსებული დაპირებები დასტურდება დოკუმენტურად (კლიპების, საჯარო გამოსვლისა თუ პრესაში გამოქვეყნებული მასალის სახით). წინასაარჩევნო დაპირებების მონიტორინგი სამოქალაქო საზოგადოების მიერ, ბოლო პერიოდში ძალიან მიღებულია მთელ მსოფლიოში. ვებ-გვერდი ითვალისწინებს მსოფლიო გამოცდილებას და საიტების morsimeter.com (ეგვიპტე), theobamameter.com (აშშ) მსგავსად, მუდმივად გააკონტროლებს ბიძინა ივანიშვილისა და „ქართული ოცნების" მიერ წინასაარჩევნოდ გაცემულ ყველა დაპირებას. არასამთვრობო ორგანიზაცია ,,სამოქალაქო ინიციატივა-სამშობლოსათვის (pro-patria)" მზად არის ღია თანამშრომლობისათვის და მიმართავს როგორც საზოგადოებას, აგრეთვე საქართველოს მთავრობას: dreammeter.ge გთავაზობთ მხოლოდ საჯაროდ გავრცელებულ ინფორმაციას, ეს არის წინასაარჩევნო კლიპები, საჯარო შეხვედრები, რომელიც გადაიცემოდა ტელევიზიით,"- ნათქვამია ,,სამოქალაქო ინიციატივა-სამშობლოსათვის (pro-patria)"-ს განცხადებაში.