სენატორებმა ჯონ მაკკეინმა და ლინდსი გრემმა ე.წ. მაგნიტსკის სიის გაფართოებას, რაკეტსაწინააღმდეგო სისტემის ელემენტების ევროპაში განთავსებასა და ნატს გაფართოების ახალ რაუნდს გაუჭირეს მხარი. 
რუსული მედიის ინფორმაციით, მათ „ცივი ომის ეპოქის სულისკვეთების" შემცველი ერთობლივი განცხადება გამოაქვეყნეს, რომელშიც „თითქმის რუსეთის ბლოკადას დაუჭირეს მხარი".
ისინი ასევე მიესალმნენ აშშ-ს პრეზიდენტის ბარაკ ობამას გადაწყვეტილებას მოსკოვში ვიზიტის გაუქმების შესახებ.
ამასთან ერთად, მათი აზრით, „აშშ ხელისუფლებამ თავი უნდა დაანებოს სიმბოლურ ჟესტებს და გადადგას ნაბიჯები იმისკენ, რომ რუსეთთან ურთიერთობების უფრო რეალისტური მიდგომა შეიმუშაოს".
მათი აზრით, ვაშინგტონმა მნიშვნელოვნად უნდა გააფართოვოს „მაგნიტსკის სია", უნდა გადადგას ნაბიჯები რაკეტსაწინააღმდეგო თავდაცვითი სისტენის ელემენტების ევროპაში განთავსებისკენ და „სწრაფად იმოძრაოს ახალი რაუნდით ნატოს გაფართოების შესახებ, მათ შორის საქართველოს ჩართვით".