რუსეთს საქართველოში ეგულება მეხუთე კოლონა, - ამის შესახებ საქართველოს პრეზიდენტმა მიხეილ სააკაშვილმა "რუსთავი 2"-ისთვის მიცემულ ინტერვიუში განაცხადა. მისივე თქმით, რუსეთს ეგულება თბილისში ხალხი, რომელიც აქ დახვდებათ. სააკაშვილის თქმუთ, სამწუხაროა ის, რომ საქართველოს დღევანდელი მთავრობის ზოგიერთი წევრი იგივეს იმეორებს, რომ 2008 წლის აგვისტოს ომში ორვე მხარეა დამნაშავეო.
"ეს არის რუსული პროპაგანდა. მე არ მინდა, რომ ის, რაც რუსეთმა 2008 წელს ვერ მიიღო, ახლა მიიღოს. მათ ახლა რუსეთს საქართველოში ეგულება მეხუთე კოლონა. ეგულებათ თბილისში ხალხი, რომელიც აქ დახვდებათ. თბილისში არის პარტიები, რომლებიც რუსეთიდან ღიად ფინანსედბიან. მე ახლა მეშინია, მშვიდობის დროს არ მიიღონ ის, რაც ომითა და ემბარგოთი ვერ მიიღეს", - განაცხადა სააკაშვილმა.