"ჩვენი საიტები იყო დაბლოკილი და ამის პირველი რეპეტიცია ივლისში გააკეთეს. მსოფლიო ომების ისტროაში პირველი შემთხვევა იყო, როდესაც მოწინააღმდეგის საიტებზე კიბერშეტევა გამოიყენეს"- ამის შესახებ საქართველოს პრეზიდენტმა მიხეილ სააკაშვილმა ტელეკომპანია "რუსთავი 2"-სთვის მიცემულ ინტერვიუში განაცხადა.
სააკაშვილის თქმით, "2008 წლის ააგვისტოს ომის წინა დღეებში განვითარებული მოვლენებიდან გამომდინარე, ხელისუფლებას არც ერთი სხვა არჩევანი არ ჰქონდა, არჩევანი იყო ცუდსა და უარესს შორის, და შეირჩა ის, რომელიც შეირჩა".
"მე ყველაფერს გავაკეთებდი და გავაკეთებ, რომ არასოდეს აღმოვჩნდე ასეთ სიტუაციაში, როცა მომიწევს ჩვენი ჯარისკაცების გაგზავნა ომში, მით უმეტს, უიმედო ომში, მით უმეტს ასეთ უდიდეს მოწინააღმდეგესთან და, რა თქმა უნდა, ყოველთვის იქნება ჩემი სინანული და ტრაგედია. ყოველთვის თვალწინ მექნება ამ ბიჭების სახეები. რაც შეეხება კონკრეტულ ქმედებებს, არც ერთი სხვა არჩევანი ჩვენ არ გვქონდა, არჩევანი იყო ცუდსა და უარესს შორის. 2008 წელს, მას შემდეგ, რაც ჩვენ გამოვაცხადეთ ცალმხრივად ცეცხლის შეწყვეტა, იყო სატელეფონო გადაჭერები, რომ იყო სატანკო კოლონა თბილისში. ჩვენი საიტები იყო დაბლოკილი და ამის პირველი რეპეტიცია გააკეთეს ივლისში. არც ერთი სხვა არჩევანი ჩვენ ამ შემთხვევაში არ გვქონდა. შავი ზღვის ფლოტი საქართველოს მიმართულებით იყო დაძრული, ეს წინასწარ ხდებოდა ყველაფერი. ჩემს საიტზე იცით რა იყო?! "ასავალ-დასავალში" რომ ბეჭდავენ ყოველ ნომერში - ჩემი ფოტო ჰიტლერის ულვაშით,"- განაცხადა მიხეილ სააკაშვილმა.
მისივე თქმით, "ასავალ-დასავალის" პროპაგანდა ზუსტად იგივეა, რაც რუსული და იგი დარწმუნებულია რომ აღნიშნულ გამოცემასა და მეზობელ სახელმწიფოს შორის ბევრი კავშირებიც არსებობს".
"ისევე როგორც თავის დროზე მაგალითად, ილია ჭავჭავაძეს ებრძოდნენ. ზუსტად ასეა- "ასავალ-დასავალი" და "ალია" ებრძვის ყველაფერს იმას, რაც ქართულ სახელმწიფოს ამაგრებს. არ მგონია, რომ ეს არ იყოს სადღაც კოორდინირებული,"- აღნიშნა სააკაშვილმა.