ჩვენ ვიყავით ერთადერთი ქვეყანა მეოცე და ოცდამეერთე საუკუნეში, რომელიც არა თუ მთლიანად ვერ დაიპყრო რუსეთმა, არამედ ქვეყანა, რომელმაც არ მოაწერა ხელი არც ერთ კაპიტულანტურ ხელშეკრულებას, - ამის შესახებ საქართველოს პრეზიდენტმა მიხეილ სააკაშვილმა ტელეკომპანია "რუსთავი 2"-სთვის მიცემულ ინტერვიუში განაცხადა. მისი თქმით, როგორც ფინეთმა ავღანეთმა, უნგრეთმა, ლიტვამ პოლონეთმა ვერ აიცილა, ისე საქართველო ვერ აიცილებდა ამ ომს. "მაგრამ ჩვენ ვიყავით ერთადერთი ქვეყანა მეოცე და ოცდამეერთე საუკუნეში, რომელიც არა თუ მთლიანად ვერ დაიპყრო რუსეთმა, არამედ ქვეყანა, რომელმაც არ მოაწერა ხელი არც ერთ კაპიტულანტურ ხელშეკრულებას. ეს არ არის ჩვენი გამარჯვება, მაგრამ არის რუსეთის სტრატეგიული მარცხი. როდის ვთქვი, რომ ეს არის ჩვენი მთლიანი გამარჯვება, სანამ ჩვენი ტერიტორიის ერთი მტკაველი მაინც არის ოკუპირებული, როდის ვამბობ ასეთ სისულელეს, მაგრამ რუსეთი იძულებული გახდა, ჩაეყენებინა თავი ისეთ სიტუაციაში, რომ ახლა საქმე აქვს ოკუპირებულ ტერიტორიებთან", - განაცხადა სააკაშვილმა.
მასალის გამოყენების პირობები