"მედვედევის დაბადების დღეზე მიიყვანეს კონდოლიზა რაისი, კარგად დალიეს და უთხრეს, რომ საქართველოში უნდა იყოს ომი, კონდოლიზა წამოუხტა და ტოვებდა სუფრა"- ამის შესახებ საქართველოს პრეზიდენტმა მიხეილ სააკაშვილმა ტელეკომპანია რუსთავი 2"-ისთვის მიცემულ ინტერვიუში ისაუბრა.
პრეზიდენტის თქმით, "მაშინ კონდოლიზა რაისის რეაქციამ რუსეთს დროებით უკან დახევის სიგნალი მისცა".
ამასთან, სააკაშვილის განცხადებით, "ის რაც მოხდა 2008 წლის აგვისტოში, პუტინმა მას პრაქტიკულად 2007 წელს მოუყვა".
"საქართველო-რუსეთის ომის რუსეთის გარდაუვალი აუცილებლობა არ იარსებებდა, თუ საქართველო არ იარსებებდა, როგორც სახელმწიფო. თუ საქართველო 2004 წლიდან მოყოლებული რუსეთის პირობებს შეასრულებდა, იგორ გიორგაძე, ვარდიკო ნადიბაიძე და სხვა "რუსეთის აგენტები" გააკონტროლებდნენ ყველაფერს, პრობლემა არ შეიქმნებოდა. როდესაც მოხდა "ვარდების რევოლუცია", რუსეთი შეშინდა, რადგან მოგვიანებით მოსკოვშიც წარმოიქმნა საპროტესტო ტალღა და ამიტომ გივი თარგამაძესაც ვლადიმერ პუტინი დღემდე "პირად მტრად" მიიჩნევს. რუსეთის აგენტების მიერ მართულ საქართველოზე რუსეთს სამხედრო შეტევა არ დასჭირდებოდა, რადგან ასეთი საქართველო საკუთარ თავს თვითონ უტირებდა ყოფას და გამოუყვანდა წირვას", - განაცხადა მიხეილ სააკაშვილმა.