განსხვავებით კახური ცხოველისგან, ჩვენ ვართ ერი, რომელსაც აქვს სიბრძნე და გონიერება და ამ ერს შეუძლია თუნდაც ლიდერების შეცდომებისგან ისწავლოს, - ამის შესახებ საქართველოს პრეზიდენტმა მიხეილ სააკაშვილმა ტელეკომპანია "რუსთავი 2"-ისთვის მიცემულ ექსკლუზიურ ინტერვიუში განაცხადა. როგორც პრეზიდენტმა აღნიშნა, რომ "რუსეთის ფედერაციის პრემიერ-მინისტრის, დიმიტრი მედვედევის მიერ აფხაზეთსა და საამხრეთ ოსეთთან დაკავშირებით გაკეთებული განცხადებები "მბრუნავ წრეს" ჰგავს, რომელიც თანდათანობით ჩაგითრევს".
"ე.წ. სუბიექტი ოსები, სამხრეთ ოსეთს ვგულისმობ, რუსეთმა პრაქტიკულად გააქრო. ამის შესახებ მე ომის დღეებშიც ვლაპარაკობდი. ცხინვალში ოსური მოსახლეობა პრაქტიკულად აღარ დარჩა, დარჩნენ რუსი სამხედროები, ჩვეულებრივი საოკუპაციო ჯარი. რაც შეეხება აფხაზეთს, იქ მოსახლეობის დაახლოებით 30% აფხაზია და ჩვენ იმ აფხაზებთანაც, სომხებთანაც, რა თქმა უნდა, გახსნილი ურთიერთობა უნდა გვქონდეს და ამ ხალხს დანარჩენ საქართველოსთან ურთიერთობის საშუალება ჰქონდეთ, მაგრამ ეს ზღაპრები - მოდით, რუსეთი არაფერ შუაში არაა და გვერდზე გავწიოთ და პირდაპირ ამ ხალხთან ვიმოქმედოთ, რამდენი წელი უნდა გვატარონ ერთი და იგივე წრეზე?! ერთი და იგივე წრეზე ტარებას თავისი მინუსი აქვს, თანდათან წრეზე გატარებენ და მერე გითრევენ. ამას მუდმივად "აჭმევდნენ" შევარდნაძეს, შევარდნაძეს ხომ ვითომ უაღრესად დიდი დიპლომატიური განათლება ჰქონდა?! ერთმანეთზე უარეს ხელშეკრულებებზე მოაწერეს ხელი. განსხვავებით კახური ცხოველისგან, ჩვენ ვართ ერი! ერს აქვს სიბრძნე, გონიერება! თუ მის ლიდერებს არ ეყოთ გონიერება, ჩვენ იმიტომ ვართ ერი, რომ თუნდაც ამ ლიდერების შეცდომებისგან ვისწავლოთ. ჩემმა მთავრობამ ეს ისწავლა. ჩვენ არასოდეს ამაზე არ წამოვგებულვართ. რასაც ცხინვალში ვაკეთებდით, სანაკოევის მთავრობა რომ ჩამოვაყალიბეთ, ე.წ. დისკოთეკების დიპლომატია რომ დავიწყეთ, ეს რა თქმა უნდა ყველაფერი სწორი იყო",- განაცხადა მიხეილ სააკაშვილმა.