პუტინმა მითხრა, ევროპელებმა და ამერიკელებმა თავიანთი განცხადებების ქაღალდები დაახვიონ და ერთ ადგილას გაიკეთონო, - ამის შესახებ საქართველოს პრეზიდენტმა მიხეილ სააკაშვილმა ტელეკომპანია "რუსთავი 2"-ისთვის მიცემულ ექსკლუზიურ ინტერვიუში განაცხადა. სააკაშვილის განცხადებით, "მან ერთ-ერთი შეხვედრისას რუსეთის ფდერაციის პრეზიდენტ ვლადიმერ პუტინს 2008 წლის მოვლენებთან და საქართველოს ოკუპირებულ ტერიტორიებთან დაკავშირებით სხვადასხვა საერთშორისო ორგანიზაციების მიერ მომზადებული დოკუმენტები წარუდგინა, თუმცა პუტნის რეაქტია დამცინავი და ირონიული იყო.
"პუტინს ვეუბნები, რომ - ნახეთ ევროკავშირის მიერ გაკეთებული განცხადება მეთქი?, - ხო, ცუდი განცხადება იყოო. ვხედავ უკვე რაღაც აგდებულად დამცინავი ტონით საუბრობს. ეუთოს განცხადებაც ხომ ნახეთ თქო, ვუთხარი, რომ იქ ძალიან კონკრეტული ასპექტები იყო დასახელებული. კი, ეუთოს განცხადებაც ვნახეო, რუსეთი ისე დაგმესო, პირდაპირ აღარ შეიძლებაო. უფრო მეტიცო, ამერიკელების განცხადებაც ვნახეო, ბუშის პრეს-მდივნის განცხადება. ბიჭო, რა სასინელი ტონი ჰქონდათ რუსეთის მიმართო, როგორდაგმესო ყველაფერი. ირონიულად მეუბნება, ხო, მიხეილ ნიკალაევიჩ, ძალიანბევრი ქაღალდიაო ხომ? მე ვუთხარი - ქაღალდია თუ რაცაა, სერიოზული ხალხის განცხადებებია თქო. ხოდა, ბევრი ქაღალდი რომ არისო, ეს ქაღალდები დაახვიონო და ერთ ადგილზე გაიკეთონო - ზუსუტად ასე მიპასუხა, ოღონდ ბევრად უფრო უხეში სიტყვებით. ამაზე გავშრი მე და კიდევ დამიკონკრეტა მისამართი, მე არ მინდა გავიმეორო, იმიტომ, რომ ცხოვრებაში მე მასთანაც არ მიკადრებია, რომ რამე ტონო ამეწია ან უხეში სიტყვა მეხმარა,"- განაცხადა მიხეილ სააკაშვილმა.