"ერთიანი ნაციონალუი მოძრაობის" საპრეზიდენტი კანდიდატ დავით ბაქრაძის განცხადებით, "მისთვის ძალიან მძიმე და შეურაცხმყოფელი მოსასმენი იყო, ის რაც გუშინ დიმიტრი მედვედევისგან მოისმინა".
ბაქრაძის თქმით, "ეკრანიდან საუბრობდა ადამიანი, რომელმაც განაცხადა, რომ ყველაფერი, რაც გაკეთდა 2008 წელს იყო სწორი და ის დღესაც იგივეს გააკეთებდა. - ანუ დღესაც გასცემდა ბრძანებას, რომ დაებომბათ ქართული ქალაქები, გადაეწვათ ქართული სოფლები, დაეხოცათ ქართველი ბიჭები - ისეთები, რომდლებიც დღეს მუხათგვერდის სასაფლაოზე არიან".
"ჩემთვის ძალიან მძიმე და ვიტყოდი, შეურაცხმყოფელი მოსასმენი იყო, ის რაც გუშინ მოვისმინეთ. ეკრანიდან გვესაუბრებოდა ადამიანი, რომელმაც განაცხადა, რომ ყველაფერი, რაც გაკეთდა 2008 წელს იყო სწორი და ის დღესაც იგივეს გააკეთებდა. ანუ დღესაც გასცემდა ბრძანებას, რომ დაებომბათ ქართული ქალაქები, გადაეწვათ ქართული სოფლები, დაეხოცათ ჩვენი ბიჭები - ისეთები, რომდლებიც დღეს მუხათგვერდის სასაფლაოზე არიან. ეს ადამიანი ამას ურცხვად ინტერვიუში იმეორებს და დღესაც იგივეს გააკეთებდა და დახოცავდა ქართველებს. არ ვიცი რა შთაბეჭდილება დარჩა ჩვენი საზოგადოების დიდ ნაწილს, მაგრამ ჩემი შთბეჭდილება ძალიან მძიმე და დამთრგუნველი იყო. ეთადერტი პოზიტვი, რომელიც ჩემთვის ამ ინტერვიუს ჰქონდა, გახლდათ ის, რომ კიდევ ერთხელ დადასტურდა ვისთან გვაქვს საქმე. დიახ, უნდა ველაპარაკოთ კიდევაც, უნდა გავიტანოთ ღვინო, გავყიდოთ ვაშლი, თუ ვინმეს უხარია ვიცეკვოთ კიდევაც, მაგრამ ნუ მოვიტყუებთ თავს იმ ილუზიით, რომელიც ამ ბოლო დროს ყალიბდება, რომ რუსთი არის მეგობარი, რომელიც უბრალოდ ცუდ სიტუაციაში აღმოჩნდა. გუშინდელმა ინტერვიუმ კიდევ ერთხელ ძალიან კარგად გამოაჩინა ვინ არის რუსეთი, რა ინტერესი აქვს მას საქართველოში და როგორ ხედავს ის საქართველოს მომავალს. როდესაც ეკრანზე უყურებ ადამიანს, რომელიც 2013 წლის 6 აგვისტოს იმეორებს, რომ ის გასცემდა იგივე ბრძანებას რომ დაეწვათ ჩვენი სოფლები და დაეხოცათ ჩვენი ბიჭები, ვფიქრობ აქ ნებისმიერი ილუზია უბრალოდ, თავის ბოლომდე მოტყუება და თავის დაბრმავებაა,"- განაცხადა დავით ბაქრაძემ.
ცნობისთვის, რუსეთის ფედერაციის პრემიერ-მინისტრ დიმიტრი მედვედევის განცხადებით, დღევანდელი გადმოსახედიდან, სიტუაციის ანალიზის მიუხედავდ, იგი 2008 წლის აგვისტოში მიღებულ გადაწყვეტილებას არ შეცვლიდა. ამის შესახებ მედვედევმა ტელეკომპანია "რუსთავი"-ის ჟურნალისტ ნინო შუბლაძისთვის მიცემულ ექსკლუზიურ ინტერვიუში ისაუბრა.
ჟუნალისტის კითხვაზე "მომხდარიდან 5 წლის შემდეგ, ამ გადასხედიდან, როდესაც სიტუაიციის ანალიზი გაკეთებულია, ფიქრობს თუ არა, რომ 2008 წლის აგვისტოში მის მიერ მიღებული ყველა გადაწყვეტილება სწორი იყო", მედვედევმა დადებითად უპასუხა.
"სამწუხაროდ, ის, რაც მოხდა, მოხდა. ხოლო, თუ ჩემი შეფასების შესახებ ვილაპარაკებთ, ეს რა თქმა უნდა, მას მერე არ შეცვლილა. მიმაჩნია, რომ იძულებული ვიყავით ამგვარად გვეპასუხა შესაბამის აგრესიულ ქმედებებზე. ანალოგიურად მოვიქცეოდი თუ არა ასეთ სიტუაციაში? - ჩემი პასუხია - დიახ. მიუხედავად იმისა, რომ ეს უმძიმესი გადაწყვეტილებაა, რომლის მიღებაც მომიხდა როგორც პრეზიდენტს, როგორც რუსეთის ფედერაციის შეიარაღებული ძალების მთავარსარდალს. ზუსტად ასევე მოვიქცეოდი,"- განაცხადა დიმიტრი მედვედევმა.