პარლამენტის ვიცე-სპიკერ მანანა კობახიძეს უმრავლესობის წევრის გია გაჩეჩილაძის საკუთარ გუნდზე გაბრაზება პარტიის არ დაფინანსების გამო სწორად არ მიაჩნია. როგორც კობახიძემ ჟურნალისტებს განუცხადა, ცუდია, როდესაც გია გაჩეჩილაძის ამგვარი პოზიცია პარტიების დფინანსებას უკავშირდება.
„მე კანონპროექტს მხარი დავუჭირე, თუმცა ვთვლი, „მოქალაქეთა პოლიტიკური გაერთიანების შესახებ" საქართველოს ორგანულ კანონში ბევრი რამ არის შესაცვლელი. მე არ ვფიქრობ, რომ პარტიები ბიუჯეტის დაფინანსებაზე უნდა იყვნენ დამოკიდებული და 500-კაციანი პარტია ბიუჯეტიდან დაფინანსების იმედით იქმნებოდეს. საკითხის ასე მწვავედ დაყენება არა მგონია მიზანშეწონილი იყოს",- ამბობს მანაან კობახიძე.
შეგახსენებთ, რომ „მწვანეების" ლიდერის გია გაჩეჩილაძის უკმაყოფილება პარტიების დაფინანსების ახალმა წესმა გამოიწვია. დაფინანსების ახალი მოდელის მიხედვით, „მწვანეები" და „სოციალ-დემოკრატები" დაფინანსების გარეშე დარჩნენ. გაჩეჩილაძემ კი გაანცხადა, რომ ის უმრავლესობაში ივანიშვილის ხათრით რჩება.
