"ერთიანი ნაციონალური მოძრაობის" საპრეზიდენტო კანდიდატ დავით ბაქრაძის განცხადებით, "ხელისუფლების და ოპოზიციის ვალდებულებაა ერთმანეთთან ჩხუბს თავი დაანებონ და ადამიანების პრობლემების მოგვარებას მიხედონ".
ამის შესახებ ბაქრაძემ დღეს ასპინძის რაიონის სოფელ საროს მოსახლეობასთან შეხვედრისას განაცხადა და აღნიშნა, რომ "საქართველოს ხელისუფლება სოფლის მოსახლეობის პრობლემებით განსაკუთრებულად უნდა დაინტერესდეს".
"მთავარი თემა, რაც ამ სოფლის მოსახლეობას აწუხებს, არის საკითხი, რომელიც საქართველოს ძალიან ბევრი სოფლის მოსახლეობას აწუხებს. ეს პრობლემებია - წყალი, გაზი და მისასვლელი გზები. ჩვენ ამ მიმართულებით თავის დროზე ძალიან ვევრი პროექტი დავიწყეთ. სოფელ საროშიც შემოყვანილია გაზის მილი, უფრო მეტიც - დაქსელილია და ოჯახებშია შეყვანილი გაზის მილები, მაგრამ 10 თვეა, რაღაც გაურკვეველი სამარტლებრივი კამათის გამო ამ ადამიანებს გაზი არ აქვთ. მე ვფიქრობ, რომ ყველასი - ხელისუფლების და ოპოზიციის ვალდებულებაა ერთმანეთთან ჩხუბს თავი დავანებოთ და მივხედოთ იმას, რომ ადამიანებს, რომლებსაც უკვე 10 თვეა სახლში გაზი აქვთ შეყვანილი და მილში ბუნბრივი აირი არ აქვთ, ასეთ ადამიანებს პრობლემები მოვუგვაროთ,"- განაცხადა დავით ბაქრაძემ .
შეგახსენებთ, რომ "ნაციონალური მოძრაობის" საპრეზიდენტო კანდიდატმა დავით ბაქრაძემ ქვეყნის სხვადასხვა სოფლის მოსახლეობასთან შეხვედრები მისი საპრეზიდენტო კანდიდატად ოფიციალურად დასახელებიდან მეორე დღესვე დაიწყო.
