„სამხრეთ ოსეთი: 5 წელი ომის შემდეგ. სიტუაციის ანალიზი" - ამ სახელწოდებით მოსკოვში, რუსმა ექსპერტებმა აგვისტოს ომთან დაკავშირებით მრგვალი მაგიდა გამართეს. ინფორმაციას ამის შესახებ რუსული მედია ავრცელებს.
„ექსპერტებმა, რომლებიც მრგვალ მაგიდაში მონაწილეობდდნენ არა მხოლოდ წარსულის არამედ მომავლის გათვალისწინებითაც მოახდინეს სიტუაციის ანალიზი, რომლის განხორციელების ეტაპიც ოქტომბერში საქართველოში საპრეზიდენტო არჩევნების შემდეგ უნდა დაიწყოს. მათ ასევე განიხილეს საქართველოს რუსეთთან, აფხაზეთთან და სამხრეთ ოსეთთან ურთიერთობების პერსპექტივები", - წერს რუსული მედია.
მოსკოვში გამართულ მრგვალ მაგიდას ესწრებოდნენ: ევგენი კოჟოხინი - შრომისა და სოციალური ურთიერთობების აკადემიის რექტორი. ალექსეი მუხინი - პოლიტიკური ინფორმაციის ცენტრის დირექტორი. კონსტანტინე სიმონოვი - ნაციონალიური ენერგეტიკული უსართხოების ფონდის დირექტორი. ვიქტორ მიზინი - რუსეთის საგარეო საქმეთა სამინისტროს საერთაშორისო ურთიერთობათა მოსკოვის სახელმწიფი ინსტიტუტის დიქრეტრის მოადგილე. ალექსეი ვლასოვი - ლომონოსოვის უნივერსიტეტის ისტორიის ფაკულტეტის დეკანის მოადგილე და პოლიტიკური ექსპერტული კლუბის „სამხრეთი და ჩრდილოეთი" გენერალური დირექტორი. კონსტანტინე ტასიცი - რუსეტის სტრატეგიული კვლევებს ინსტიტუტის კავკასიის კვლევების სექტორის მეცნიერ-თანამშრომელი.
ევგენი კოჟოხინი: კავკასია არასოდეს პატიობს პოლიტიკურ უუნარობას, ამიტომაც რუსეთი უცილობლად სწორად მოიქცა 2008 წელს, როდესაც ცხინვალში ჯარი შეიყვანა.სოწრედ ამის წყალობით დაიწყეს ახლა რუსეთმა და საქართველომ თანდათან თანამშრომლობისკენ სვლა.
ალექსეი ვლასოვი: არ შეიძლება სამხრეთ ოსეთსა და აფხაზეთზე ვისაუბროთ როგორც აშშ ან ევროკავშირის პოლიტიკური ნების რაღაც ობიექტებზე. ისინი არიან პოლიტიკის სუბიექტები სამხრეთ კავკასიაში.
ახლა აუცილებელია მათ დაამტკიცონ რომ დამოუკიდებლად რამის კეთება შეუძლიათ. იქაც და იქაც ამჟამად სერიოზული პოლიტიკური დისკუსია მიმდინარეობს. დამოუკიდებლობისათვის განწყობა კი სამხრეთ ოსეთსა და აფხაზეთში იმდენად ძლიერია, მათგან რუსეთიც რომ წავიდეს იქ აუცილებლად ჩავლენ ევროპული არასამთავრობო ორგანიზაციები. რუსეთმა რესპუბლიკებს არა მხოლოდ ეკონომიკური არამედ სოციალურ-კულტურული დახმარება უნდა გაუწიოს.
ქვეყანათა უმრავლესობის მიერ აფხაზეთისა და სამხრეთ ოსეთის აუღიარებლობა სულაც არ ნიშნავს, რომ მათთნა ეკონომიკური ურთიერთობები არ არის. რუსეთთან ერთად საბაჟო კავვშირში მყოფი ბელორუსი და ყაზახეთი ჯერ არ ჩქარობენ ამ გადაწყვეტილების მიღებას, დსთ-ს სხვა წევრები კი მათ გადაწყვეტილებას ელიან.
ალექსეი მუხინი: 2008 წელს საქართველოს ხელისუფლება შეცდა. მათ ეგონათ, რომ ნებისნიერ შემთხვევაში აშშ-ს დახმარებას მიიღებდდნენ - ეს არ მოხდა. ახლა კი პრობლემა წარსულის სტერეოტიპებით ცხოვრებაშია. ახლანდელი ხელისუფლება ატარებს არა ნაციონალურ არამედ პროდასავლურ პოლიტიკას. საქართველომ პოლიტიკაში სუვერენობა უნდა დაიბრუნოს.
კონსტანტინე სიმონოვი: საქართველოს ამჟმაად ევროკავშირისათვის პრაქტიკულად არაფრის შეთავაზება არ შეუძლია და სავარაუდოდ ევროპასთან ურთიერთქმედებისათვის ეკონომიკურ სტრატეგიებს ვერც მონახავს. ქვეყნისათვის ახლა აუცილებელია პოლიტიკა ამოიგდოს თავიდან და ეკონომიკური თვალსაზრისით ყველაზე უფრო პერსპექტიულ პარტნიორთან - რუსეთთან ურთიერთობების ნორმალიზება მოახდინოს.
კონსტანტინე ტასიცი: საქართველოს ხელისუფლებაზე დასავლეთზე ორიენტირება ნეგატიურ გავლენას ახდენს. რუსეთმა რეგიონში უფრო აქტიური ეკონომიკური და ჰუმანიტარული პოლიტიკა უნდა გაატაროს. დესტაბილიზება ახლო აღმოსავლეთში კი კავკასიას საკმაოდ ახლოს მიუახლოვდა.