დღეს საპარლამენტო უმრავლესობას სავარაუდოდ კიდევ ერთი წევრი, გია გაჩეჩილაძე დატოვებს. როგორც გაჩეჩილაძემ "ჯი-ეიჩ-ენთან" საუბრისას აღნიშნა, მისი გადაწყვეტილება ცოტა ხანში პარლამენტის ღევანდელ სხდომაზე მისი სიტყვით გამოსვლისას გახდება ცნობილი.
"ცოტა ხანში სიტყვით გამოვდივარ სხდომაზე და ყველაფერს იქ ვიტყვი,"- განუცხადა "ჯი-ეიჩ-ენს" გია გაჩეჩილაძემ.
არსებული ინფორმაციით, გაჩეჩილაძის მიერ კოალიცია "ქართული ოცნების" შესაძლო დატოვების თაობაზე მიღებული გადაწყვეტილება "წვანეთა პარტიისთის" დაფინანსების შეწყვეტას უკავშირედება.
"პარტიების დაფინანსების შესახებ ახალი კანონპროექტით გადაწყვეტილებაა მიღებული, რომ ვინც ღებულობდა დაფინანსებას იმათ დაემატოს და ვინც გარეთაა დარჩენილი იმათაც მიეცეს. აი, ამ 18 პარტიაში ვერაფრით ვერ მოხვდა მწვანეთა პარტია, რომელიც პარლამენტშია წარმოდგენილი. რადგან ეს პოლიტიკური გადაწყვეტილებაა და მწვანეთა და სხვა პარტია გაწირეს სიკვდილისთვის. შესაბამისად მწვანეთა პარტია მიიღებს პოლიტიკურ გადაწყვეტიელბას!
თუ ვინმე იქ ინტრიგებს ხლართავთ, თქვე კაი ადამიანებო, მაშინ უშიშროების სამსახურებმა რეალურად შეისწავლონ რა ხდება საქართველოში. თუ ვინმე ფიქრობს, მწვანეთა პარტიას დააყენებს განადგურების პირას მაშინ, რა რეაქცია მოჰყვებ ევროპაში ამას? შეიძლება იციან კიდეც, მაგრამ სპეციალრუად აკეთებენ კიდეც.
როცა დელეგაციები კომპლექტდებოდა, მე თავის დროზე მოვითხოვე, რომ როცა დელეგაციას შეხება ექნებოდა ევროპის პარლამენტთან იმ დელეგაციაში მე ვყოფილიყავი , იმიტომ რო მე იქ ბევრი მეგობრები მყავს და ეს სახელმწიფოსთვის მნიშვნელოვანი იქნებოდა. 21 წელია პოლიტიკაში ვარ და არც ერთი ნაბიჯი არ გადამიდგია, რომ არ გამეაზრებინა ეს სახელმწიფოსთვის სასარგებლო იქნებოდა თუ არა. როცა ამ თემაზე პრესკონფერენცია გავმართე 3 ტელევიზია გაიქიცა იქიდან, ვინც დარჩა იმათ არ გაუშვეს, იმიტომ რომ დავალება ჰქონდათ. ზოგიერთებს კობა დავითაშვილის გასვლა უმრავლესობიდან გაუხართად და ისეთი ზარ-ზეიმი ჰქონდათ გავოცდი. ბიძინა ივნაიშვილს ვთხოვ, რომ არ წავიდეს, მან კიდე არ იცის როგორ ჯგუფებთან აქვს საქმე. ნაცრის შემოტანასთან დაკავშირებით კენჭისყრაზეც კი არ მომცეს ხმის მიცემის უფლება. ძალიან გუსლატკენია ეს ყველაფერი,"- განაცხადა გია გაჩეჩილაძემ.
