საქართველოს პარლამენტი პრემიერ-მინისტრის კრიტიკას „სააღსრულებო წარმოებათა შესახებ" კანონპროექტის ითვალისწინებს და მის განხილვას სექტემბერში მიუბრუნდება.
პარლამენტი „სააღსრულებო წარმოებათა შესახებ" კანონპროექტის განხილვას სექტემბერში მიუბრუნდება, რომლის გათვალისწინებითაც, იპოთეკით და სასესხო ვალდებულებებით დატვირთულ უძრავ ქონებაზე აღსრულების პროცესი 1-ელ თებერვლამდე ჩერდება. ამის შესახებ პარლამენტის თავმჯდომარემ დავით უსუფაშვილმა განცახადა.
უსუფაშვილის თქმით, აღნიშნულ საკითხზე მთავრობასა და პარლამენტს შორის კონსულტაციები გრძელდება და საკითხის შეჯერებას დრო სჭირდება.
„საკითხი კომპლექსურია და მას ფართო შესწავლა სჭირდება. იუსტიციის სამინისტროში კანონპროექტის შესწავლა ხდება და მასზე ეროვნული ბანკიც მუშაობს. ამ თემას სექტემბერში მივუბრუნდებით", - დასძინა უსუფაშვილმა.
შეგახსენებთ, რომ პარლამენტმა აღნიშნული წინადადების განხილვის პროცესი მას შემდეგ შეაჩერა, რაც პრემიერ-მინისტრმა პარლამენტი გააკრიტიკა და უპასუხიმგებლობაში დაანაშაულა. პრემიერის განცახდებით, ამ ცვლილებების თაობაზე პარლამენტს მთავრობასთან კონსულტაციები არ გაუმართავს.