საქართველოს უმაღლეს საკანონმდებლო ორგანოში, 6 და 7 აგვისტოს რიგგარეშე სესიები გაიმართება. როგორც "ჯი-ეიჩ-ენს" საქართველოს პარლამენტიდან აცნობეს, აღნიშნულ სესიებზე მეორე მოსმენით მიღებული ყველა იმ საკითხის განხილვა იგეგმება, რომელთა დამტკიცებაც საგაზაფხულო სესიებზე ვერ მოესწრო.
კანონმდებლების მსჯელობის ერთ-ერთი მთავარი თემა პარტიების დაფინანსების საკითხი იქნება.
პარლამენტის წევრები რიგგარეშე სესიაზე "აღსრულების შესახებ კანონში" შესატანი ცვლილებების შესახებ კანონპროექტსაც განიხილავენ, რომელიც იპოთეკით დატვირთული ქონების აღსრულების პროცესის შეჩერებას და ალტერნატიული გზების ძიებას ითვალისწინებს.